الماتىدا ستۋدەنتتەردى جاتاقحانامەن قامتاماسىز ەتۋ ءۇشىن احۋالدىق ورتالىق اشىلدى
الماتى. KAZINFORM - عىلىم جانە جوعارى ءبىلىم مينيسترلىگى مەن الماتى قالاسى اكىمدىگىنىڭ باستاماسىمەن ستۋدەنتتەردى جاتاقحانامەن قامتاماسىز ەتۋ ماقساتىندا قازاق ۇلتتىق قىزدار پەداگوگيكالىق ۋنيۆەرسيتەتىنىڭ بازاسىندا احۋالدىق ورتالىق اشىلدى.
اتالعان ورتالىق الماتى قالاسى، بوگەنباي باتىر كوشەسى 142-مەكەنجايىندا ورنالاسقان ۋنيۆەرسيتەت عيماراتىنىڭ اۋماعىندا ورنالاسقان. عىلىم جانە جوعارى ءبىلىم ءمينيسترى ساياسات نۇربەك اتالعان ورتالىق جاتاقحانادان ورىن تابا الماعان ستۋدەنتتەرگە كومەك كورسەتەتىنىن ايتتى.
- ءار جوعارى وقۋ ورنىنىڭ جانىنان ارنايى تسيفرلىق پلاتفورما قۇرىلدى. ول وتاندىق جوعارى وقۋ ورىندارىنىڭ � ندا بار. ايتا كەتەيىك، نارحوز جانە Satbayev University-دە ستۋدەنت جاتاقحانادان بولمەنى، ورىندى ءوزى تاڭدايدى. ال جاتاقحانادان ورىن الا الماعان ستۋدەنتتەر قازاق ۇلتتىق قىزدار پەداگوگيكالىق ۋنيۆەرسيتەتىنىڭ بازاسىندا اشىلعان احۋالدىق ورتالىقتىڭ كومەگىنە جۇگىنە الادى. سونداي-اق الماتىدا بوس ورىن تابا الماي قيىن جاعدايعا تاپ بولعان ستۋدەنتتەرگە ۋنيۆەرسيتەتتەرمەن بىرلەسە توتەنشە جاعدايعا ارنالعان 55 ارنايى بولمە دايىندادىق، - دەدى مينيستر.
ورتالىقتا 10 تولىققاندى جۇمىس ورنى بار. ارنايى جۇمىس ورنى زاماناۋي كومپيۋتەرلەرمەن، بايلانىس قۇرالدارىمەن، سيفرلىق دەرەكقورلارعا قولجەتىمدىلىكپەن جانە جوعارى وقۋ ورىندارىمەن جەدەل بايلانىس ارنالارىنا (ءبىر نومىرگە ءبىر ۋاقىتتا قوسىلاتىن 10 بايلانىس جەلىسى) قوسىلعان جۇيەمەن جابدىقتالعان. سونىمەن قاتار ورتالىقتا جينالىستار مەن بريفينگتەر وتكىزۋگە ارنالعان كونفەرەنتس-زال، كەلۋشىلەرگە ارنالعان كۇتۋ جانە دەمالىس ايماعى مەن وقۋ بۇرىشى قاراستىرىلعان.
ءمينيستردىڭ ايتۋى بويىنشا، جاتاقحانا ماسەلەسىن شەشۋ ءۇشىن ەلىمىزدە ارنايى نورماتيۆتىك سۋبسيديالار ۇلعايتىلدى، جەكەمەنشىك مەردىگەرلەردى، كومپانيالاردى تارتىپ، 5 جىلدىڭ ىشىندە 400 دەن استام جاتاقحانا سالىندى.
سونداي جوبالاردىڭ ءبىرى رەتىندە كاسىپكەر باۋىرجان كارىبجانوۆ الماتىدا قالاعا كەلگەن ستۋدەنتتەردى ورنالاستىراتىن جاتاقحانا سالىپ، قولدانىسقا بەرىپ جاتىر.
- بۇل جاتاقحانا 4 قاباتتان تۇرادى. ءار قاباتتا 12 پاتەر بار. ءبىر پاتەردە ەكى جاتىن بولمە بار، ءار بولمەدە 4 ستۋدەنت تۇرادى. پاتەردىڭ ىشىندە بارلىق جاعداي جاسالعان - زاماناۋي اسحانا، توڭازىتقىش، كىر جۋاتىن ماشينا، جۋىناتىن بولمە مەن دارەتحانا بار. سونىمەن قاتار عيمارات ءورت قاۋىپسىزدىگى جۇيەسىمەن جابدىقتالعان، ءورت داتچيكتەرى ورناتىلعان. قاۋىپسىزدىككە ەرەكشە كوڭىل بولدىك. ستۋدەنتتەردى جاتاقحاناعا 1-قىركۇيەكتەن باستاپ كەلىسىمشارت نەگىزىندە قابىلداي باستايمىز، - دەدى ينۆەستور.
وسىلايشا، الماتىدا سيتۋاتسيالىق ورتالىقتىڭ ىسكە قوسىلۋى ستۋدەنتتەردىڭ تۇرمىس جاعدايىن جاقسارتۋ جانە ءبىلىم الۋشى جاستاردى قولجەتىمدى تۇرعىن ۇيمەن قامتاماسىز ەتۋ بويىنشا كەشەندى جۇمىستاردىڭ تاعى ءبىر قادامى بولدى.