الماتىدا ساموكات مىنگەن 13 جاسار بالانى جۇك كولىگى قاعىپ مەرت قىلدى
21:14, 04 - قازان 2023
الماتىدا ساموكات جۇرگىزىپ كەلە جاتقان جاس ءوسپىرىمدى جۇك كولىگى باسىپ كەتتى، دەپ حابارلايدى قازاقپارات ءتىلشىسى.
كىسى ولىمىنە اكەلگەن جول اپاتى بۇگىن ساعات 15:55 تە الماتىنىڭ تيميريازيەۆ كوشەسىندە بولعان.
ونىڭ ۆيدەوسى الەۋمەتتىك جەلىدە تارادى.
«Howo» ماركالى جۇك كولىگىنىڭ جۇرگىزۋشىسى تيميريازيەۆ كوشەسىمەن شىعىس باعىتتا كەلە جاتىپ، وڭعا بۇرىلعاندا ساموكاتپەن باتىسقا قاراي ءجۇرىپ بارا جاتقان 2010-جىلى تۋعان ج. ەسىمدى بالانى قاعىپ كەتتى. العان جاراقاتىنىڭ سالدارىنان جاس ءوسپىرىم وقيعا ورنىندا كوز جۇمدى»، — دەپ حابارلادى پوليتسيادان.
اتالعان دەرەك ق ر ق ك 345-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى.
ساراپتاما تاعايىندالدى.