الماتى. KAZINFORM - قازاق ونكولوگيا جانە راديولوگيا عىلىمي زەرتتەۋ ينستيتۋتىندا زاماناۋي ساۋلەلىك تەراپيا ورتالىعىنىڭ اشىلۋى ونكولوگيالىق كومەكتىڭ ساپاسىن جانە پاتسيەنتتەر ءۇشىن دياگنوستيكا مەن ەمدەۋدىڭ وزىق ادىستەرىنىڭ قولجەتىمدىلىگىن ارتتىرۋ جولىندا قادام جاساۋعا مۇمكىندىك بەرەدى.
دەنساۋلىق ساقتاۋ مينيسترلىگىنىڭ مالىمەتىنشە، ورتالىق جاڭا ساۋلەلىك اپپاراتتارمەن - جاڭا نۇسقاداعى جەلىلىك ۇدەتكىشتەرىمەن، سونداي-اق «قازاقستان حالقىنا» ق ق قارجىلىق قولداۋىمەن ساتىپ الىنعان كومپيۋتەرلىك توموگرافپەن جابدىقتالعان.
دەنساۋلىق ساقتاۋ ءمينيسترى اقمارال ءالنازاروۆا جاڭا جابدىقتا دياگنوستيكانىڭ دالدىگى مەن جىلدامدىعىنىڭ ماڭىزدىلىعىن، بۇل جالپى قاتەرلى ىسىكتەرى بار پاتسيەنتتەردى ەمدەۋدىڭ تيىمدىلىگىن ارتتىراتىنىن ەرەكشە اتاپ ءوتتى.
ساۋلەلىك تەراپيانى كورسەتۋ ءۇشىن ەلىمىزدە ساۋلەلىك جابدىقتىڭ 32 قوندىرعىسى بار، سونداي-اق 6 توموتەراپيا اپپاراتى جۇمىس ىستەيدى.
ورالدا ونكولوگيالىق اۋرۋلاردى ەرتە انىقتايتىن ەندوسكوپيالىق دياگنوستيكا ورتالىعى اشىلعانىن جازعان بولاتىنبىز.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан