الماتىدا رەسپۋبليكا كۇنىنە وراي مەملەكەتتىك تۋ كوتەرىلدى
الماتى. KAZINFORM - «مەدەۋ» مۇز ايدىنىندا مەملەكەتتىك تۋدى كوتەرۋ ءراسىمى ءوتتى. ءىس-شاراعا الماتى قالاسىنىڭ اكىمى ەربولات دوسايەۆ، قوعام قايراتكەرلەرى، ءماسليحات دەپۋتاتتارى، ۇكىمەتتىك ەمەس جانە جاستار ۇيىمدارىنىڭ وكىلدەرى، سونداي-اق قالا تۇرعىندارى قاتىستى.
تۋدى كوتەرۋ ءراسىمى ءداستۇر بويىنشا اسكەري وركەستردىڭ سۇيەمەلدەۋىمەن مەملەكەتتىك ءانۇراندى ورىنداۋمەن باستالدى. مەملەكەتتىك تۋدىڭ كولەمى 98 شارشى مەتر بولسا، بيىكتىگى 40 مەتر.
ەسكە سالايىق، بۇگىن الماتىدا مەرەكەگە وراي دروندار شوۋى وتەدى: ساعات 21:00-دە اباي الاڭىندا، ال 21:30-دا «استانا» الاڭىندا 500-دەن استام درون سينحروندى تۇردە كوككە كوتەرىلىپ، ۇلتتىق مادەنيەت ەلەمەنتتەرى مەن ەل تاريحىنداعى ماڭىزدى ساتتەردى بەينەلەيتىن 3D بەينەلەر جاسايدى.
وعان قوسا، ساعات 20:00-دە رەسپۋبليكا كۇنىنە وراي «كوكتوبە» تەلەمۇناراسىندا مەرەكەلىك ساۋلەتتىك جارىقتاندىرۋ قوسىلادى.
بۇعان دەيىن قاسىم-جومارت توقايەۆ ۇلىق مەرەكە - رەسپۋبليكا كۇنىنە ارنالعان مەملەكەتتىك تۋ كوتەرۋ سالتاناتتى راسىمىنە قاتىسقانىن جازعانبىز. ءىس-شارا «اقوردا» رەزيدەنسياسىنىڭ الدىندا ءوتتى.
اۆتور
دوسبول اتاجان