الماتىدا قىلمىسكەر ەرلى-زايىپتىنى اتىپ كەتكەن

استانا. قازاقپارات - پوليتسيا دەپارتامەنتى 20-جەلتوقساندا الماتى اۋداندارىنىڭ بىرىندە اتىس بولعانىن حابارلادى، - دەپ حابارلايدى buginmedia.kz.

وقيعا 20-جەلتوقسان كۇنى تاڭەرتەڭ Nef Uptown تۇرعىن ءۇي كەشەنىندە بولدى. بەلگىسىز ەر ادام ەليتالىق ۇيدەگى پاتەرلەردىڭ ءبىرىن توناماق بولعان. بەتپەردە كيگەن ادام ءوزىن ەلەكتريك رەتىندە تانىستىرىپ، ەسىكتى اشۋدى وتىنگەن. ال اشقان كەزدە ەرلى-زايىپتىعا قارۋمەن وق اتقان. قاراقشى پوليتسيا كەلگەنگە دەيىن جاسىرىنىپ ۇلگەردى.

پاتەر يەلەرى امان قالدى. كۇدىكتى ءالى ىزدەستىرىلىپ جاتىر.

قالالىق پوليتسيا دەپارتامەنتىنىڭ باسپا ءسوز قىزمەتى بۇل فاكتى بويىنشا ناۋرىزباي اۋدانىنىڭ پوليتسيا باسقارماسىندا قىلمىستىق ءىس قوزعالعانىن مالىمدەدى.

«قىلمىستى اشۋعا باعىتتالعان جەدەل-ىزدەستىرۋ ءىس-شارالارىنىڭ كەشەنى جۇرگىزىلىپ جاتىر»، - دەلىنگەن حابارلامادا.