الماتىدا قۇتقارۋشىلارعا 20 قىزمەتتىك پاتەر بەرىلدى
الماتى. KAZINFORM - قالالىق ت ج د باستىعىنىڭ ورىنباسارى باعدات چايزادا دەپارتامەنت باسشىسىنىڭ اتىنان قىزمەتكەرلەردىڭ وتباسىلارىنا يندۋستريالىق ايماقتاعى جاڭا ءورت ءسوندىرۋ دەپوسىنىڭ عيماراتىندا جانە الاتاۋ اۋدانى كارپاتسكايا كوشەسىندەگى №14-ءورت ءسوندىرۋ ءبولىمىنىڭ كۇردەلى جوندەۋدەن وتكەن عيماراتىندا ورنالاسقان 20 قىزمەتتىك پاتەردىڭ كىلتىن تابىس ەتتى.
قىزمەتتىك پاتەر العان ت ج د قىزمەتكەرلەرىنىڭ قاتارىندا راديوتەلەفونشىلار، ءورت ءسوندىرۋشى- قۇتقارۋشىلار، جۇرگىزۋشى- نۇسقاۋشىلار، بولىمشە كومانديرلەرى، ءورت ءسوندىرۋ جانە اۆاريالىق- قۇتقارۋ جۇمىستارىنىڭ جۇمىسشىلارى بار.
«ءبىز سىزدەردىڭ حالىق قاۋىپسىزدىگىن قامتاماسىز ەتۋگە قوسقان ۇلەستەرىڭىزدى باعالايمىز. سوندىقتان قىزمەتتىك پاتەرلەردىڭ كىلتىن تاپسىرۋ مەن ءۇشىن ۇلكەن مارتەبە. تۇرمىستىق جاعدايدى جاقسارتۋ گارنيزون قىزمەتكەرلەرىنىڭ تيىمدىلىگىن ارتتىرۋعا ىقپال ەتەتىنى ءسوزسىز. اكىمدىكتىڭ قولداۋىمەن جىلدان- جىلعا ىشىندە تۇرعىلىقتى جەر قاراستىرىلعان جاڭا ءورت ءسوندىرۋ بولىمدەرى سالىنىپ جاتقانىن اتاپ وتكىم كەلەدى. ءبىز ءاربىر قىزمەتكەر تۇرعىن ۇيمەن قامتاماسىز ەتىلۋى ءۇشىن بارلىق شارانى قابىلدايمىز. ۇيلەرىڭىزدە جىلۋلىق پەن جايلىلىق، دوستىق پەن ماحاببات ورناسىن»، - دەدى باعداد چايزادا.
اۆتور
دوسبول اتاجان