بۇل ماتچ قازاقستاندىق جانكۇيەرلەر اراسىندا ەرەكشە قىزىعۋشىلىق تۋدىرىپ وتىر. ويىن بيلەتتەرى ساتىلىمعا شىققاننان كەيىن ساناۋلى ساعاتتاردا ساتىلدى.
Ticketon كوممۋنيكاتسيالار ديرەكتورى ازامات اتاگەلدىنىڭ ايتۋىنشا، ساتىلىمنىڭ شارىقتاۋ شەگىندە پلاتفورمادا ءبىر مەزەتتە 1 ميلليون قولدانۋشى بولعان.
وسى ورايدا، فۋتبولدان الەم چەمپيوناتى سىندى ءىرى جارىستاردا ستاديون سىرتىندا جانكۇيەرلەردىڭ جينالىپ، ويىندى بىرگە تاماشالاۋعا مۇمكىن بەرەتىن فان-ايماقتاردىڭ ۇيىمداستىرىلۋى تۋرالى الماتى اكىمدىگىنەن سۇرادىق.
- اكىمدىك جاعىنان فان-زونالار قاراستىرىلماعان. «قايرات» فۋتبول كلۋبى تاراپىنان دا ۇيىمداستىرىلمايدى، - دەپ حابارلادى قالا اكىمدىگى.
ەسكە سالايىق، ماتچ الدىندا «قايرات» فۋتبول كلۋبىنىڭ باس باپكەرى رافاەل ۋرازباحتين كوماندانىڭ دايىندىعى تۋرالى ايتتى.
سونداي-اق Backstreet Boys كونسەرتىنەن كەيىن ورتالىق ستاديون كوگالى قانداي جاعدايدا ەكەنىن جازعانبىز.