الماتىدا قاتارلاسىن سوققىعا جىققان وقۋشى قىزدار ۇستالدى
الماتى. KAZINFORM - الەۋمەتتىك جەلىدە ءبىر توپتىڭ قىزدىڭ قاتارلاسىن ۇرىپ جاتقانى بەينەجازبا تارادى.
الماتى قالاسىنىڭ پوليتسيا دەپارتامەنتى بۇل دەرەك بويىنشا قىلمىستىق ءىس قوزعالعانىن حابارلادى. بەينەجازباداعى بارلىق جاس ءوسپىرىم انىقتالىپ، پوليتسياعا جەتكىزىلگەن.
- ولاردىڭ ءارقايسىسىنىڭ ءىس-ارەكەتىنە تەرگەۋ ارقىلى قۇقىقتىق باعا بەرىلىپ، قازاقستان رەسپۋبليكاسىنىڭ زاڭناماسىنا سايكەس شارالار قولدانىلادى. جاسوسپىرىمدەر وقيتىن جالپى ءبىلىم بەرۋ ۇيىمدارىنىڭ اكىمشىلىگىنە قىلمىس جاساۋعا ىقپال ەتكەن سەبەپتەر مەن جاعدايلاردى جويۋ تۋرالى ۇسىنىستار جىبەرىلدى. وقيعاعا قاتىسۋشىلاردىڭ بارلىعى مەكتەپتىڭ ىشكى ەسەبىنە الىندى، - دەپ حابارلادى دەپارتامەنتتەن.
سونىمەن قاتار وقۋشىلاردىڭ اتا-انالارى بالالارىن تاربيەلەۋدە ءوز مىندەتتەرىن ورىنداماعانى ءۇشىن جاۋاپكەرشىلىككە تارتىلعان. الماتى پوليتسياسى قىلمىستىق ءىس بويىنشا ءاربىر قۇقىقبۇزۋشىعا قاتىستى ماتەريالدار بوستاندىق اۋدانى اكىمدىگى جانىنداعى كامەلەتكە تولماعاندار ىستەرى جونىندەگى ۆەدومستۆوارالىق كوميسسيادا قارالاتىنىن مالىمدەدى.
ەسكە سالايىق، بۇعان دەيىن سەمەيدە جاسوسپىرىمدەر التىنشى سىنىپ وقۋشىسىن سوققىعا جىققانىن جازعانبىز.
اۆتور
دوسبول اتاجان