الماتى. KAZINFORM - الماتىنىڭ ورتالىعىندا قارت ادامدى جۇدىرىقتىڭ استىنا العان ەر ادامنىڭ كىم ەكەنى انىقتالدى.
الەۋمەتتىك جەلىدە ونىڭ ۆيدەوسى پايدا بولدى. بۇل جاعداي بۇگىن قالانىڭ ورتالىعىندا ورنالاسقان «ستوليچنىي سەنتر» تۇرعىن ءۇي كەشەنىن ماڭىندا بولعان.
الماتى پوليتسيا دەپارتامەنتى بۇل فاكتى بويىنشا تەرگەۋ جۇرگىزىلىپ جاتقانىن مالىمدەدى.
«قۇقىق بۇزۋشى ۇستالدى. ونىڭ ارەكەتىنە قۇقىقتىق باعا بەرىلەدى. ەر ادامنىڭ العان جاراقاتىنىڭ اۋىرلىعىن انىقتاۋ ءۇشىن سوت-مەديتسينالىق ساراپتاما تاعايىندالدى»، - دەپ ءتۇسىندىردى قالالىق پوليتسيا دەپارتامەنتىنىڭ باسپا ءسوز قىزمەتى.
اۆتور
الما مۇقانوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан