الماتىدا قانشا قوناق ءۇي بار

الماتى. KAZINFORM - الماتى قالاسىنىڭ تۋريزم باسقارماسى مەگاپوليستىڭ تۋريستىك ينفراقۇرىلىمى تۋرالى دەرەكتەرمەن ءبولىستى.

باسقارما مالىمەتىنە سايكەس، 2024 -جىلدىڭ 6 ايىنىڭ قورىتىندىسى بويىنشا الماتىدا 365 قوناق ءۇي، 11443 نومەر جانە 22019 توسەك- ورىن بار. ونىڭ ىشىندە بەس جۇلدىزدى - 7، ءتورت جۇلدىزدى - 15 جانە ءۇش جۇلدىزدى - 3. بەلگىلى ءبىر ساناتقا كىرمەيتىن قوناق ۇيلەر سانى - 207، سونداي-اق باسقا تيپتەگى (پانسيونات، لاگەر) 133 نىسان بار.

سونىمەن قاتار قالالىق تۋريزم باسقارماسى بيىل ەلىمىزگە ءبىرىنشى جارتىجىلدىقتا 222,8 مىڭ تۋريست كەلسە، ونىڭ 122,8 ى الماتىعا جول تارتقانىن حابارلادى. مەگاپوليسكە كەلەتىن نەگىزگى شەتەلدىك تۋريستەر:

1. رەسەي فەدەراتسياسى - 35974

2. قىتاي حالىق رەسپۋبليكاسى - 15880

3. ءۇندىستان - 15041

4. تۇركيا - 8677

5. امەريكا قۇراما شتاتتارى - 4923

ەسكە سالايىق، بۇعان دەيىن 2023 -جىلى شەتەلدىك تۋريستەر قازاقستاندا 2,3 ميلليارد دوللار قالدىرعانىن جازعان ەدىك.

اۆتور
دوسبول اتاجان