الماتىدا ۋنيۆەرسيتەت اۋماعىندا جاس جىگىت قايتىس بولدى
20:46, 19 - ماۋسىم 2024
الماتى. KAZINFORM - ءال- فارابي اتىنداعى اتىنداعى قازۇۋ اۋماعىنداعى سۋبۇرقاق ماڭىندا ادام قايتىس بولدى. وقيعانىڭ بەينەجازباسى الەۋمەتتىك جەلىدە تارادى.
قازۇۋ باسپا ءسوز قىزمەتىنىڭ مالىمەتىنشە، قايتىس بولعان ازامات ۋنيۆەرسيتەت ستۋدەنتى ەمەس.
«2024 -جىلدىڭ 19-ماۋسىمىندا ءال- فارابي اتىنداعى قازاق ۇلتتىق ۋنيۆەرسيتەتىنىڭ اۋماعىنداعى سۋبۇرقاقتىڭ جانىندا جاس جىگىت قايتىس بولدى. مارقۇم ۋنيۆەرسيتەتتىڭ ستۋدەنتى ەمەس. جەدەل جاردەمنىڭ الدىن الا مالىمەتتەرى بويىنشا، ولىمگە جۇرەكتىڭ توقتاۋى اكەلگەن. قازىرگى ۋاقىتتا وقيعا ورنىندا جەدەل- تەرگەۋ توبى جۇمىس ىستەپ جاتىر»، - دەپ حابارلادى ۋنيۆەرسيتەتتەن.
الماتى قالاسىنىڭ پوليتسيا دەپارتامەنتى بۇل فاكت بويىنشا تەرگەۋ باستالىپ، سوت- مەديتسينالىق ساراپتاما تاعايىندالعانىن حابارلادى.