الماتى. KAZINFORM - الماتىدا كاماز موپەد ايداعان 22 جاستاعى جىگىتتى قاعىپ كەتتى. ونىڭ ۆيدەوسى الەۋمەتتىك جەلىدە تاراپ جاتىر. جول اپاتى ب. مومىش ۇلى كوشەسىندە بولعان.
قالالىق پوليتسيا دەپارتامەنتى ادام ولىمىنە اكەلگەن جول-كولىك اپاتى بويىنشا سوتقا دەيىنگى تەرگەۋ جۇرگىزىلىپ جاتقانىن مالىمدەدى.
«22 جاستاعى موپەد جۇرگىزۋشىسى «يۆەكو» ماركالى جۇك كولىگىمەن سوقتىعىسۋ سالدارىنان قازا تاپتى. ساراپتاما تاعايىندالدى»، - دەپ اتاپ ءوتتى الماتى پوليتسيا دەپارتامەنتىنىڭ باسپا ءسوز قىزمەتى.
بۇعان دەيىن الماتى قالاسىنىڭ پوليتسەيلەرى مەگاپوليستە جۇرگىزۋشىنىڭ باسىن جارعان موپەدشىلەردى ىزدەستىرىپ جاتقانى تۋرالى جازعان ەدىك.
اۆتور
الما مۇقانوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан