الماتىدا مەملەكەتتىك تۋ سالتاناتتى تۇردە كوتەرىلدى
الماتى. KAZINFORM - الماتىدا رامىزدەر كۇنىنە وراي مەدەۋ مۇز ايدىنىندا كوك تۋ كوككە كوتەرىلدى. بايراق مەملەكەتتىك ءانۇران شىرقالعاندا تۇعىرعا كوتەرىلدى.
پاتريوتتىق ءىس-شارا «مەدەۋ بيىك تاۋلى سپورت كەشەنىندە ءوتتى. سالتاناتتى ءىس-شاراعا الماتى اكىمى ەربولات دوسايەۆ، مادەنيەت جانە سپورت قايراتكەرلەرى، قوعام، ق ح ا جانە جاستار ۇيىمدارىنىڭ وكىلدەرى قاتىستى.
ءىس-شاراعا مىڭنان استام ادام قاتىستى.
قالا اۋداندارىندا دا مەرەكەلىك ءىس-شارالار مەن ءانۇران سالتاناتتى تۇردە شىرقالدى. الماتى تۇرعىندارى ساياباقتاردا، مەكتەپتەردە جانە باسقا دا قوعامدىق ورىنداردا ەلىمىزدىڭ ءانۇرانىن ورىندادى.
مەرەكەلىك ءىس-شارالار «الاتاۋ» ءداستۇرلى ونەر تەاترىندا مەرەكەلىك كونتسەرت جانە جامبىل اتىنداعى قازاق مەملەكەتتىك فيلارمونياسىندا تىلەنديەۆ اتىنداعى «وتىرار سازى» اكادەميالىق فولكلورلىق-ەتنوگرافيالىق وركەسترىنىڭ «مەنىڭ ەلىم» پاتريوتتىق كونسەرتىمەن اياقتالادى.
ەسكە سالايىق، 2019 -جىلى مەدەۋگە الماتىداعى ەڭ ۇلكەن مەملەكەتتىك تۋ ورناتىلعان بولاتىن.
تۋتۇعىردىڭ بيىكتىگى - 40 مەتر. تۋدىڭ ەنى - 7 مەتر، ۇزىندىعى - 14 مەتر.
اۆتور
الما مۇقانوۆا