الماتىدا مەكتەپ ەسەپشىسى 34 ميلليون تەڭگە جىمقىرعان
الماتى. KAZINFORM - الماتىنىڭ ءبىلىم باسقارماسى مەگاپوليس مەكتەپتەرىنىڭ بىرىندە اقشا ۇرلاۋ فاكتىسىن انىقتاپ، ماتەريالداردى سىبايلاس جەمقورلىققا قارسى ءىس- قيمىل اگەنتتىگىنە تاپسىردى.
قالالىق ءبىلىم باسقارماسى سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنە بيۋدجەتتىك اقشانى ۇرلاۋ تۋرالى ءىستى اشۋعا كومەكتەستى.
«مونيتورينگ ناتيجەلەرى بويىنشا الماتى قالاسىنىڭ ءبىلىم باسقارماسى وسى جىلدىڭ ناۋرىز ايىندا «№5 مەكتەپ گيمنازياسى» ك م م- ءنىڭ 11 قىزمەتكەرىنىڭ بانكتىك كارتوچكالىق شوتتارىنا 2023 -جىلدىڭ ءساۋىرى مەن اقپان ايى ارالىعىندا جالپى سوماسى 34271330 تەڭگەگە ارتىق بەلگىلەنگەن جالاقى نورماسىن ەسەپتەۋ جانە اۋدارۋ زاڭناماسىنىڭ نورمالارىن بۇزۋ فاكتىسىن انىقتادى»، - دەپ حابارلادى الماتى قالاسىنىڭ ءبىلىم باسقارماسى.
ءىس ماتەريالدار نەگىزىندە ق ر ق ك 189-بابى بويىنشا مەكتەپتىڭ باس بۋحگالتەرى ا. ي. قاتىستى سوتقا دەيىنگى تەرگەۋ باستالدى.
«سوتتا مەكتەپتىڭ باس بۋحگالتەرى «№5 مەكتەپ- گيمنازيا» ك م م- دە ناقتى جۇمىس ىستەمەيتىن تۇلعالاردىڭ كارتوچكالىق بانكتىك شوتتارىنا ەڭبەك كەلىسىمدەرىمەن بەلگىلەنگەن ۇستەمەاقىلاردى جانە جالاقى رەتىندە بيۋدجەت قاراجاتىن زاڭسىز ەسەپتەۋ جانە اۋدارۋ جولىمەن بيۋدجەت قاراجاتىن ۇرلاۋ فاكتىسىن تولىق راستادى»، - دەپ اتاپ ءوتتى ۆەدومستۆودان.
سونداي- اق سوتقا دەيىنگى جانە سوت تەرگەۋى بارىسىندا سوتتالۋشى مۇلىكتىك زالالدى تولىق كولەمدە - 38060353 تەڭگەنى ءوز ەركىمەن وتەدى.
الماتى قالاسىنىڭ قىلمىستىق ىستەر جونىندەگى اۋەزوۆ اۋداندىق سوتىنىڭ 2024 -جىلعى 22-شىلدەدەگى ۇكىمىمەن ول 7 جىلعا شارتتى تۇردە سوتتالدى.
ۇكىم زاڭدى كۇشىنە ەنگەن جوق.
«مەكتەپ ديرەكتورىنا قاتىستى تارتىپتىك جازا شارالارىن قولدانۋ تۋرالى ماسەلە ەڭبەك دەمالىسىنان شىققاننان كەيىن شەشىلەتىن بولادى»، - دەپ اتاپ ءوتتى باسقارمادان.
وسىعان دەيىن الماتى ەمحاناسىنان 340 ميلليون تەڭگە اقشا جىمقىرعان ەكى ەسەپشىنىڭ سوتتالعانى تۋرالى جازعان ەدىك.