الماتىدا LRT ،BRT جانە مەترو قۇرىلىسى قالاي ءجۇرىپ جاتىر
الماتى. KAZINFORM - الماتىداعى BRT قۇرىلىسى 2024 -جىلى باستالادى. بۇل تۋرالى قالالىق ءماسليحات سەسسياسىندا بەلگىلى بولدى.
قالالىق موبيلدىلىك باسقارماسىنىڭ باسشىسى ساعىندىق تەلىبايەۆ بىلتىر جەلتوقسان ايىندا كولىك قۇرىلىمىن دامىتۋ جونىندەگى شەبەرلىك-جوسپارى بەكىتىلگەنىن اتاپ ءوتتى. ونىڭ نەگىزگى باعىتتارىنىڭ ءبىرى - LRT ،BRT مەترو قۇرىلىسى.
قازىر «قالقامان» مەترو ستانسياسىنىڭ قۇرىلىسى بويىنشا جۇمىستار جۇرگىزىلۋدە، سودان كەيىن مەترونى «بارلىق» بازارىنا دەيىن ۇزارتۋ، تاعى 3 جاڭا ستانسيا سالۋ جوسپاردا.
«بيىل رايىمبەك داڭعىلى بويىنشا BRT-نىڭ ءبىرىنشى ۋچاسكەسىن سالۋدى باستايمىز. قۇرىلىس جەلتوقسان كوشەسى بويىنشا تيميريازيەۆ كوشەسىنەن رايىمبەك داڭعىلىنا دەيىنگى ارالىقتى قامتيتىن بولادى. سونداي-اق تولە بي كوشەسى بويىنشا LRT قۇرىلىسىنا تەحنيكالىق ەكونوميكالىق نەگىزدەمە ازىرلەنىپ جاتىر. اتالعان جوبالاردى ىسكە اسىرۋ قوعامدىق كولىكتى دامىتۋعا وڭ اسەر ەتەدى، قالا تۇرعىندارى ءۇشىن قوزعالىس ىڭعايلى بولادى»، - دەيدى ساعىندىق تەلىبايەۆ.
وسىعان دەيىن ەربولات دوسايەۆ الماتىدا ءبىر قوعامدىق كولىكتەن ەكىنشىسىنە اۋىسىپ وتىرۋ تەگىن بولاتىنىن جەتكىزگەن ەدى.
ەسكە سالايىق، بىلتىر الماتىنىڭ 2040 -جىلعا دەيىنگى باس جوسپارىن ازىرلەۋشىلەر قوعامدىق كولىكتى دامىتۋ پەرسپەكتيۆالارى تۋرالى ايتقان بولاتىن.