الماتىدا كونە زات ساتاتىن بازار حالىقتىڭ ءجيى باراتىن جەرىنە اينالدى
استانا. قازاقپارات- پاتشا زامانىنان سىر شەرتەتىن ساماۋرىننان باستاپ، كەڭەستىك كەزەڭدەگى ىدىس-اياقتار. الماتىداعى جايما بازار ەسكى زاتتار مەن، جادىگەر ىزدەۋشىلەردىڭ ءجيى باراتىن ورنىنا اينالدى.
ساتىپ الۋشىلار مۇندا ارزان زات الۋ ءۇشىن ەمەس، دۇكەننەن تابىلا بەرمەيتىن بۇيىمداردى ىزدەپ بارادى. مىسالى قازىر نارىقتا، كونە ىدىس-اياقتاردىڭ باعاسى جارتتى ميلليون تەڭگەگە دەيىن جەتەدى. قالانىڭ شىعىسىنداعى جەكسەنبىلىك جايما بازار الماتىلىقتارعا جاقسى تانىس. مۇندا سىرى كەتسە دە سىنى كەتپەگەن كونە بۇيىمداردىڭ ءتۇر-ءتۇرى بار.
8 جىلدان بەرى ەسكى زاتتار ساتىپ جۇرگەن پارحات يميتجانوۆتىڭ كوللەكسياسىندا قۇندى بۇيىمدار از ەمەس. پاتشا زامانىندا جاسالعان ساماۋرىن، ەسكى مونەتالار جانە ⅩⅨ عاسىردا بۇحارادا تىگىلگەن ۇلتتىق كيىم جادىگەر ىزدەۋشىلەر ءۇشىن تاپتىرماس دۇنيە.
پارحات يميتجانوۆ، ساتۋشى:
- بىرىنشىدەن، كەز كەلگەن زاتتىڭ ساپاسىنا بايلانىستى. ەندى ورتاشا ساماۋرىن بىزدە تۇركيالىق 35-40 مىڭنان باستالادى. ءتىپتى ول ساماۋرىن پاتشا زامانىنان بولسا ونىڭ باعاسى ءالى دە كوپ بولادى. 100 مىڭنان 500 مىڭعا دەيىن بارادى ساماۋرىندار.
زەينەتكەر شاميل ناگايەۆ تا جايما بازاردا ساۋدا جاسايدى. رەترو ستيلدەگى ىدىس- اياق، جيھاز، بولمە شامدارىن كوبىنە قالا تۇرعىندارى الىپ كەلەدى. ءبىراق ول بارلىعىن ساتىپ الا بەرمەيدى. ەسكى زاتتاردى قابىلداماس بۇرىن، ساپاسىن، تاريحي ماڭىزدىلىعىن تەكسەرىپ الادى ەكەن. زەينەتكەرگە كينو تۇسىرۋشىلەر دە كەلىپ، كەرەكتى زاتتارىن الىپ تۇرادى ەكەن.
شاميل ناگايەۆ، ساۋداگەر:
- مەندە ايگىلى دەتەكتيۆتىڭ كەيىپكەرى گلەب جەگلوۆ قولداناتىن ستاليندىك كەزەڭنىڭ ديۆانى بار عوي، تۋرا سونداي ديۆان بولدى. تەز ساتىلىپ كەتتى. ال بۇل 30-جىلدارداعى ستاليندىك امپير. مىناۋ رومانتيك ماگنيتوفونى ەرەسەكتەرگە جاقسى تانىس. جاس كەزدەرىندە يىعىنا سالىپ ءان تىڭداپ جۇرەتىن.
الماتىلىق دارىگەر ءارى كوللەكسيونەر مارات توماقايەۆ بۇل جەرگە ءجيى كەلەدى. ونىڭ ايتۋىنشا قانداي دا ءبىر تاريحي وقيعاعا قاتىسى بار ەسكى دۇنيەلەردىڭ باعاسى قىمباتتاي تۇسكەن. قازىر كونە ىدىس-اياقتارعا سۇرانىس جاقسى. ەگەر ول ىدىستا الدەقاشان جابىلىپ قالعان زاۋىتتىڭ تاڭباسى تۇرسا تەز ساتىلىپ كەتەدى ەكەن.
جايما بازاردا كيىم-كەشەكتەن باستاپ، رەترو ساعاتتار، تانىمال تۇلعالاردىڭ مۇسىندەرى مەن پورترەتتەرى بار. بۇدان وزگە تۇرمىستىق تەحنيكالار، شارۋاشىلىققا قاجەتتى قۇرال-جابدىقتار جانە ەسكى كىتاپتار كوپ كەزدەسەدى.
24.kz