الماتى. KAZINFORM - الماتىدا جۇرگىزۋشى كىشكەنتاي بالانى رولگە وتىرعىزعان. وقيعانىڭ ۆيدەوسى جەلىگە شىقتى. ۆيدەوداعى جازبادا اتا-انالار بالالارىن الدىنا الىپ، ءال-فارابي داڭعىلىنىڭ بويىمەن ساعاتىنا 70-80 جىلدامدىقپەن جۇرگەنى جازىلعان.
الماتى قالالىق پوليتسيا دەپارتامەنتىنىڭ مالىمەتىنشە، اتالعان فاكتى بويىنشا جەرگىلىكتى پوليتسيا قىزمەتىنىڭ ىزدەستىرۋ ءبولىمى تەكسەرىس شارالارىن باستادى.
«بالانىڭ كولىك جۇرگىزۋىنە جول بەرگەن جاۋاپسىز اتا-انا مىندەتتى تۇردە انىقتالىپ، جاۋاپقا تارتىلادى. الماتى پوليتسياسى جول ەرەجەسىن قاتاڭ ساقتاۋ جانە جاۋاپكەرشىلىك دەڭگەيىن ارتتىرۋ تالابىن تاعى ەسكە سالادى جول قاتەلىكتى كەشىرمەيدى» - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتى.
ەسكە سالساق، الماتىدا مەدەۋگە بارار جولدا ەكى كولىك سوقتىعىسىپ، سالدارىنان 4 ادام زارداپ شەككەن ەدى.
اۆتور
الما مۇقانوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан