الماتىدا كوپ قاباتتى ۇيدەن ءورت شىقتى
08:39, 22 - مامىر 2024
الماتى. KAZINFORM - الەۋمەتتىك جەلىلەردە الماتىداعى تۇرعىن ءۇي كەشەنىنىڭ ورتەنىپ جاتقان بەينەجازباسى تارادى.
الماتى قالاسى توتەنشە جاعدايلار دەپارتامەنتىنىڭ مالىمەتىنشە، «التىن بۇلاق - 2» تۇرعىن ءۇي كەشەنىنەن ءورت شىققان.
وقيعا ورنىندا ءورت ءسوندىرۋ بريگادالارى جۇمىس ىستەپ جاتىر.
«المالى اۋدانىندا بەس بلوكتان تۇراتىن «التىن بۇلاق-2» تۇرعىن ءۇي كەشەنىندە (برۋسيلوۆسكي كوشەسى، 167) پاتەر ورتەنگەنى تۋرالى حابار ءتۇستى. 18 قاباتتى تۇرعىن ءۇيدىڭ ءتورتىنشى قاباتىنداعى پاتەردەن ءتۇتىن شىققان. ءورت سوندىرۋشىلەر وقيعا ورنىنا جەتتى. جالىن شارپىعان اۋماق - شامامەن 25 شارشى مەتر»، - دەپ حابارلادى ت ج د باسپا ءسوز قىزمەتىنەن.
اۆتور
دوسبول اتاجان