الماتى. قازاقپارات - 2019 -جىلدان بەرى كاسىپكەرلىكتى دامىتۋدىڭ «Almaty Business - 2025» باعدارلاماسى اياسىندا «الماتى» الەۋمەتتىك- كاسىپكەرلىك كورپوراتسيالارى - «Almaty Finance» ج ش س جانە «Almaty» م ق ۇ ج ش س ەنشىلەس كومپانيالارى ارقىلى 656 جوباعا 36,3 ميلليارد تەڭگە ءبولىنىپ، 2716 جۇمىس ورنىن اشقان. بۇل تۋرالى «Almaty Finance» ج ش س باسقارما ءتوراعاسىنىڭ ورىنباسارى جۇلدىز يگەنوۆ ايتتى.
قالالىق ءماسليحات بەكىتكەن باعدارلاما جەڭىلدەتىلگەن نەسيەلەندىرۋ ارقىلى شاعىن جانە ورتا بيزنەستى دامىتۋعا باعىتتالعان. جۇلدىز يگەنوۆ باعدارلامانىڭ باستى ماقساتى - بيزنەسكە قارجىلاندىرۋ مۇمكىندىگىن ارتتىرۋ ەكەنىن اتاپ ءوتتى.
- «Almaty Finance» جانە «Almaty» م ق ۇ ارقىلى كاسىپكەرلەر%2 جانە %6 جىلدىق مولشەرلەمەمەن 7 جىلعا دەيىن نەسيەلەر الىپ، ءوز كاسىبىن اشۋعا جانە دامىتۋعا مۇمكىندىك الدى. 2024 -جىلى «Almaty Finance» ۇسىنعان ەڭ جوعارى نەسيە سوماسى 500 ميلليون تەڭگە، ال «Almaty» م ق ۇ- دا 73840000 تەڭگە بولدى، - دەدى جۇلدىز يگەنوۆ.
ايتا كەتكەن ءجون، الىنعان قاراجات كاسىپكەرلەرگە جابدىق ساتىپ الۋعا، شيكىزات الۋعا، اينالىم قاراجاتىن تولىقتىرۋعا جانە بيزنەستىڭ باسقا قاجەتتىلىكتەرىن قاناعاتتاندىرۋعا جۇمسالادى.
Ризабек Нүсіпбекұлы
«Қазақ тілі мен әдебиеті» мамандығының магистрі.
2009 жылдан бері "ҚазАқпарат" Халықаралық ақпарат агеніттігінде қызмет атқарады.
"ҚазАқпарат" Халықаралық ақпарат агенттігін дамытуға қосқан үлесі үшін және еліміздің ақпарат саласына сіңірген еңбегі үшін «Күміс бітікші» медалінің иегері.
Халықаралық, Республикалық жыр мүшәйраларының жүлдегері.