الماتىدا كاسىپكەرلەرگە تومەن پايىزبەن بەرىلگەن ەڭ ۇلكەن نەسيە - 500 ميلليون تەڭگە

الماتى. قازاقپارات - 2019 -جىلدان بەرى كاسىپكەرلىكتى دامىتۋدىڭ «Almaty Business - 2025» باعدارلاماسى اياسىندا «الماتى» الەۋمەتتىك- كاسىپكەرلىك كورپوراتسيالارى - «Almaty Finance» ج ش س جانە «Almaty» م ق ۇ ج ش س ەنشىلەس كومپانيالارى ارقىلى 656 جوباعا 36,3 ميلليارد تەڭگە ءبولىنىپ، 2716 جۇمىس ورنىن اشقان. بۇل تۋرالى «Almaty Finance» ج ش س باسقارما ءتوراعاسىنىڭ ورىنباسارى جۇلدىز يگەنوۆ ايتتى.

قالالىق ءماسليحات بەكىتكەن باعدارلاما جەڭىلدەتىلگەن نەسيەلەندىرۋ ارقىلى شاعىن جانە ورتا بيزنەستى دامىتۋعا باعىتتالعان. جۇلدىز يگەنوۆ باعدارلامانىڭ باستى ماقساتى - بيزنەسكە قارجىلاندىرۋ مۇمكىندىگىن ارتتىرۋ ەكەنىن اتاپ ءوتتى.

- «Almaty Finance» جانە «Almaty» م ق ۇ ارقىلى كاسىپكەرلەر%2 جانە %6 جىلدىق مولشەرلەمەمەن 7 جىلعا دەيىن نەسيەلەر الىپ، ءوز كاسىبىن اشۋعا جانە دامىتۋعا مۇمكىندىك الدى. 2024 -جىلى «Almaty Finance» ۇسىنعان ەڭ جوعارى نەسيە سوماسى 500 ميلليون تەڭگە، ال «Almaty» م ق ۇ- دا 73840000 تەڭگە بولدى، - دەدى جۇلدىز يگەنوۆ.

ايتا كەتكەن ءجون، الىنعان قاراجات كاسىپكەرلەرگە جابدىق ساتىپ الۋعا، شيكىزات الۋعا، اينالىم قاراجاتىن تولىقتىرۋعا جانە بيزنەستىڭ باسقا قاجەتتىلىكتەرىن قاناعاتتاندىرۋعا جۇمسالادى.