الماتىدا كاسىپكەردىڭ ءۇيىن توناعان قاراقشىلار توبى ۇستالدى
14:56, 30 - قىركۇيەك 2025
الماتى. KAZINFORM - كريمينالدىق پوليتسيا قىزمەتكەرلەرى جەكە كاسىپكەردىڭ ۇيىنە جاسالعان قاراقشىلىق قىلمىستى اشتى.
- 12-قىركۇيەكتە كۇدىكتىلەر ماسكا كيىپ، جەكە ۇيگە كىرگەن. شىعىن - 500 ميلليون تەڭگە. جەدەل جۇمىس ناتيجەسىندە الماتى قالاسى جانە الماتى وبلىسىنىڭ ءۇش تۇرعىنى ۇستالىپ، قاماۋعا الىندى، - دەدى ءى ءى م كريمينالدىق پوليتسيا دەپارتامەنتىنىڭ باستىعى قانات نۇرماعامبەتوۆ.
ءى ءى م مالىمەتىنشە، تەرگەۋ بارىسىندا كۇدىكتىلەردىڭ بيىل الماتى وبلىسىنىڭ اۋماعىندا جانە وتكەن جىلى الماتى قالاسىندا جاسالعان ەكى ۇقساس اشىلماعان قىلمىسقا قاتىسى بارى انىقتالدى. قازىر تەرگەۋ امالدارى جۇرگىزىلىپ جاتىر.