الماتىدا جىلۋ قاشان وشىرىلەتىنى بەلگىلى بولدى

الماتى. KAZINFORM - الماتىدا 10-ساۋىردەن باستاپ الەۋمەتتىك نىساندار مەن قالا تۇرعىندارىنىڭ ۇيلەرىندە جىلۋ كەزەڭ كەزەڭىمەن وشىرىلەدى.

الماتى اكىمدىگىنەن مالىمەتىنشە,2024-2025 -جىلدارداعى جىلۋ بەرۋ ماۋسىمى قالىپتى جاعدايدا ءوتىپ جاتىر. بارلىعى 404 ءبىلىم بەرۋ نىسانى، 128 دەنساۋلىق ساقتاۋ مەكەمەسى مەن 8863 تۇرعىن ءۇي ورتالىقتاندىرىلعان جىلۋمەن قامتىلعان.

- جىلىتۋ ماۋسىمىنا دايىندىق جانە وتكىزۋ قاعيدالارىنا سايكەس، الماتىدا كۇنتىزبەلىك بەس كۇن ىشىندە گيدرومەتەورولوگيالىق قىزمەتپەن تىركەلگەن ورتاشا تاۋلىكتىك اۋا تەمپەراتۋراسىنىڭ 8+ گرادۋستان جانە ودان جوعارى بولۋىنا بايلانىستى جىلىتۋ ماۋسىمىن توقتاتۋ تۋرالى شەشىم قابىلداندى، - دەپ جاۋاپ بەردى اكىمدىكتەن Kazinform اگەنتتىگى جولداعان ساۋالعا.

جىلۋ 10-ساۋىردە - الدىمەن اكىمشىلىك عيماراتتاردا، ءبىلىم بەرۋ مەكەمەلەرىندە، مادەنيەت نىساندارىندا، ودان كەيىن تۇرعىن ۇيلەر مەن الەۋمەتتىك نىسانداردا سوندىرىلەدى.

بيىل ۇزىندىعى 39 شاقىرىم جىلۋ جەلىلەرىن قايتا جاڭعىرتۋ جوسپاردا.
ءقازىر جىلۋ جەلىلەرى V,1 توزعان، قابىلدانعان شارالار ارقىلى بۇل كورسەتكىشتى T,9 عا دەيىن تومەندەتۋ كوزدەلگەن.

- ايتا كەتۋ كەرەك، 2024 -جىلى قالادا 20 ك م جىلۋ جۇيەسى جاڭارتىلدى، 85 قازاندىقتا جوندەۋ جۇمىستارى جۇرگىزىلدى، بۇل جىلۋ بەرۋ تيىمدىلىگىن ايتارلىقتاي ارتتىرىپ، جىلىتۋ ماۋسىمىن وشىرمەي اياقتاۋعا مۇمكىندىك بەردى، - دەپ حابارلادى اكىمدىكتەن.

بۇعان دەيىن الماتىدا حالىقتىڭ الەۋمەتتىك وسال توبىنا كوممۋنالدىق قىزمەت تاريفتەردىڭ كوتەرىلۋىنە بايلانىستى وتەماقى تولەنەتىنى تۋرالى جازعانبىز.