الماتىدا جول ەرەجەسىن بۇزعان ءبىر توپ موپەد جۇرگىزۋشىسى جازالاندى
الماتى. KAZINFORM - الەۋمەتتىك جەلىدە جول ەرەجەسىن ورەسكەل بۇزعان موپەد جۇرگىزۋشىلەرىنىڭ بەينەجازباسى تارادى.
جەلىدەگى بەينەروليكتەردەن موپەد تىزگىندەگەن ءبىر توپ جۇرگىزۋشىسىنىڭ باعدارشامنىڭ قىزىل تۇسىنە ءوتىپ كەتكەنىن كورۋگە بولادى. تاعى ءبىر بەينەجازبادا موپەد جۇرگىزۋشىلەرىنىڭ توبى كولىكپەن كىرۋگە تىيىم سالىنعان اربات ايماعىندا ەمىن-ەركىن جۇرگەنى بەينەلەنگەن.
الماتى قالاسىنىڭ پوليتسيا دەپارتامەنتى جول ەرەجەسىن بۇزعان موپەد جۇرگىزۋشىلەرىن ۇستالعانىن حابارلادى.
- ولارعا قاتىستى ق ر ا ق ب ك-نىڭ 615، 620-باپتارى بويىنشا اكىمشىلىك حاتتامالار تولتىرىلدى. موپەدتەر ارنايى ايىپپۇل تۇراعىنا جەتكىزىلدى، - دەپ حابارلادى دەپارتامەنتتەن.
ودان بولەك الماتى پوليتسيا موپەد جۇرگىزۋشىلەرىنە 5-ساۋىرگە دەيىن تىركەلۋ قاجەتتىگىن ەسكەرتتى.
ەسكە سالايىق، بۇعان دەيىن 5-ساۋىردەن كەيىن موپەدتەرىن تىركەمەگەندەرگە قانداي جاۋاپكەرشىلىك كوزدەلگەنىن جازعانبىز.