الماتىدا جۇرەككە تىڭ تاسىلمەن وپەراتسيا جاسالدى

استانا. قازاقپارات - الماتى قالالىق كارديولوگيالىق ورتالىعىنىڭ دارىگەرلەرى العاش رەت ءتوس سۇيەكتى كەسپەي، جۇرەك قاقپاشاسىنداعى اقاۋدى قالىپقا كەلتىردى، دەپ حابارلايدى 24KZ.

وپەراتسيا ەندوۆاسكۋليارلىق ادىسپەن جاسالدى. قازاقستاندىق دارىگەرلەر مۇنداي ەمدى سوڭعى 1-2 جىلدا تاجىريبەگە ەنگىزگەن. قازىر ۇلكەن عىلىمي ورتالىقتاردا عانا جاسالىپ جاتىر.

جۇرەك اۋرۋىنان ابدەن زارداپ شەككەن جاننىڭ ءبىرى - سەيىلحان الىمبەكوۆا. جاسى 70-كە جاقىنداپ قالدى. اۋرۋى جانىنا باتقان سوڭ ەكى-ءۇش اي سايىن اۋرۋحاناعا تۇسەتىن. مۇندا كەلگەندە جاعدايى ءتىپتى اۋىر بولعان. ەنتىگىپ، جۇرە الماي قالعان. دارىگەرلەر وعان ارتەريالىق گيپەرتونيا، جۇرەكتىڭ يشەميالىق اۋرۋى، جۇرەكتىڭ سوزىلمالى جەتىسپەۋشىلىگى، مەترالدى قاقپاقشانىڭ جەتكىلىكسىزدىگى دەگەن دياگنوز قويعان.

سەيىلحان الىمبەكوۆا، الماتى قالاسىنىڭ تۇرعىنى:

- 1 -قاراشادا جاسادى. بۇرىن مەن ءبۇيتىپ جۇرە المايتىنمىن. قابىرعا جاعالاپ، ارەڭ دەگەندە دارەتحاناعا زورعا شىعىپ كىرەتىنمىن. قازىر جاعدايم جاقساردى.

كەۋدە تۇسىن كەسپەي، جۇرەك قاقپاشاسىنداعى اقاۋدى جويۋ - از ينۆازيۆتى وپەراتسياعا جاتادى. ول تامىرعا كاتەتەر ەنگىزۋ ارقىلى جۇزەگە اسادى. بۇل ءتاسىلدىڭ اشىق وپەراتسيادان ارتىقشىلىعى كوپ. اسقىنۋ قاۋپى ازايادى. قان كەتۋ مەن ينفەكسيا بولمايدى. ناۋقاس تەز قالپىنا كەلەدى. اشىق وتاداعىداي تىرتىق قالمايدى.

ورازبەك ساحوۆ، كارديولوگيالىق ورتالىقتىڭ وپەراتسيالىق بلوك مەڭگەرۋشىسى:

- جۇرەكتە 3 تامىر بولسا، سونىڭ ەكەۋى 0- كە جابىلعان. ۇشىنشىسىندە �- كە تارىلعان جەرى بولدى. سول ءۇشىن بۇل ناۋقاسقا اشىق وتا ۇسىنىلدى. جۇرەكتى اشپاي، ەكى ءتۇرلى پاتالوگيانى ەمدەدىك. ءبىرىنشىسى، وسىدان ءبىر اي بۇرىن جۇرەكتىڭ تامىرىن ورنىنا كەلتىردىك. ستەند قويدىق.

قاقپاقشانى اۋىستىرۋ وتاسى. ميتراكليپتى قويۋ وتاسى. بۇل - وتە كۇردەلى وتا. بۇل وتانى جاساۋ ءۇشىن ۇزاق ۋاقىت دايىندالدىق. وپەراتسيانى جاساۋعا ماسكەۋلىك ارىپتەستەرى دە كومەكتەسكەن. وعان دەيىن دارىگەرلەر ۇلى بريتانيا، تۇركيادا وقۋدا بولىپ، شەبەرلىگىن ارتتىرىپ كەلگەن.

روزا قۋانىشبەكوۆا، قالالىق كارديولوگيالىق ورتالىق ديرەكتورى:

- ءبىز مەديتسينادا سوڭعى شىعىپ جاتقان بارلىق وزىق ءادىستى وزىمىزدە ەنگىزىپ جاتىرمىز. بىزگە تۇسكەن ناۋقاستىڭ كوپتەگەن سوزىلمالى اۋرۋرى بولدى. ونىڭ ۇستىنە جاسى دا ءبىرازعا كەلىپ قالعان. ول اشىق حيرۋرگيالىق وپەراتسيانى كوتەرە المايتىن ەدى. سەبەبى وپەراتسيانىڭ ۋاقىتى، جاساندى قان اينالامىنىڭ ۋاقىتى ۇزارىپ كەتەر ەدى. سوندىقتان ەندوۆاسكۋليارلىق ادىسكە جۇگىندىك. ناۋقاس ءۇش كۇننەن كەيىن ۇيگە شىعادى.

قازىرگى كۇننىڭ وزىندە كارديولوگيالىق ورتالىقتا مەترالدى قاقپاقشانىڭ جەتكىلىكسىزدىگى دياگنوزىمەن 30 ادام وپەراتسيا جاساتۋعا كەزەكتە تۇر. ەندى جاڭا ءادىستى مەڭگەرگەن دارىگەرلەر سول ناۋقاستاردىڭ دەرتىن ەمدەۋگە دايىن.