الماتىدا جەر ۇيدەن ءورت شىعىپ، ەكى ادام قازا تاپتى

الماتى. KAZINFORM - الماتىدا جەر ءۇيدىڭ جانىنداعى ۋاقىتشا باسپانادان (ۆرەميانكا) ءورت شىقتى. قۇتقارۋشىلار ول جەردەن ەكى ادامنىڭ ءمايىتىن تاپتى.

الماتى قالاسى توتەنشە جاعدايلار دەپارتامەنتىنىڭ مالىمەتىنشە، ءورت 20- اقپان كۇنى ساعات 3:43 تە ش. مۇرتازا كوشەسى، 29-ۇيدە بولعان.

ءورت سوندىرۋشىلەر اتالعان مەكەنجايعا جەتى مينۋتتا جەتكەن. ولار كەلگەن بويدا ۋاقىتشا باسپانانىڭ 15 شارشى مەترى جانىپ، توبەسى وپىرىلىپ قۇلاپ تۇسكەن.

«ءورتتىڭ جاقىن ورنالاسقان ۇيگە تارالۋ قاۋپى تۋىندادى. قىزىل جالىن 03:54 تە وقشاۋلانىپ، 04:03 تە ءسوندىرىلدى. ءورتتى ءسوندىرۋ بارىسىندا ەكى ادامنىڭ دەنەسى تابىلدى. الدىن الا اقپارات بويىنشا باسپانا جالعا بەرىلگەن. ءورت فاكتىسى بويىنشا ماتەريالدار ءىس جۇرگىزۋ شەشىمىن ودان ءارى جۇرگىزۋ ءۇشىن مەدەۋ اۋدانى پب جانىنداعى پوليتسيا بولىمىنە بەرىلدى»، - دەلىنگەن حابارلامادا.

ماماندار جانىنداعى جەكە تۇرعىن ءۇيدى ورتتەن ساقتاپ قالدى.