الماتى. KAZINFORM - الماتىدا بولعان جەر سىلكىنىسىنەن كەيىن ماماندار 36 جولايرىق پەن كوپىرگە، 45 جەرۇستى جانە جەراستى جاياۋ جۇرگىنشىلەر وتكەلىنە تەكسەرۋ جۇرگىزدى.
بۇل تۋرالى قالالىق موبيلدىلىك باسقارماسى ءمالىم ەتتى.
«ەشقانداي زاقىم انىقتالعان جوق. سونىمەن قاتار كوپىرلەر مەن وتكەلدەردى ەگجەي - تەگجەيلى زەرتتەۋ جۇمىستارى جالعاسىپ جاتىر»، - دەلىنگەن حابارلامادا.
ەسكە سالايىق، 4-ناۋرىز كۇنى الماتىدا 5 بالدىق جەر سىلكىنىسى بولدى.
سالدارىنان ءبىرقاتار ءبىلىم بەرۋ مەكەمەسىنىڭ قابىرعالارىندا جارىقتار پايدا بولدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.