الماتىدا جەر سىلكىنىسى كەزىندە دابىل نەگە قاعىلمادى؟
استانا. قازاقپارات- توتەنشەلىكتەر بۇگىن دابىل جۇيەسىنىڭ نەلىكتەن ىسكە قوسىلماعانىن ءتۇسىندىردى. ايتۋلارىنشا، «سيرەنالىق جانە داۋىس زورايتقىش قۇرىلعىلار جەر سىلكىنىسى 5,5 بال بولعان جاعدايدا عانا ىسكە قوسىلادى.
Mass Alert جۇيەسى دە وسى كەزدە جۇمىس ىستەيدى. ياعني، سەيسميكالىق داتچيكتەردەن سيگنال تۇسكەن جاعدايدا اۆتوماتتى رەجيمدە تولىق ىسكە قوسىلادى. بۇل تۋرالى الماتى قالالىق توتەنشە جاعدايلار دەپارتامەنتى حابارلادى. سالا ماماندارى دابىل جۇيەسىنىڭ قانداي جاعدايدا ىسكە قوسىلاتىنىن وسىلاي ءتۇسىندىردى.
ەسكە سالا كەتەيىك، بۇگىن جەرگىلىكتى ۋاقىت بويىنشا ساعات 10:00-دە الماتى مەن الماتى وبلىسىنىڭ اۋماعىندا جەر سىلكىندى. سەيسميكالىق ستانسىلار جەلىسى الماتى قالاسىنان 33 ك م شىعىسقا قاراي جەر سىلكىنىسىن تىركەدى.
سونداي-اق حالىقتى جاپپاي قاتەر تۋرالى SMS ارقىلى اقپاراتتاندىرۋ وسى كەزدە جۇزەگە اسىرىلادى. بۇگىنگى جەر سىلكىنىسى كەزىندە نە سەبەپتى دابىل قاعىلمادى دەگەن ساۋالعا توتەنشەلىكتەر ءدۇمپۋدىڭ كۇشى ءتيىستى دەڭگەيدە بولماعانىن العا تارتىپ وتىر.