الماتىدا جەر سىلكىندى

الماتى. KAZINFORM - الماتى تۇرعىندارى جەر سىلكىنىسىن سەزىندى.

«ق ر ت ج م «سەيسمولوگيالىك زەرتتەۋ ينستيتۋتى» ج ش س سەيسميكالىق ستانتسيالار جەلىسى 2024 -جىلعى 5-قاراشادا استانا ۋاقىتىمەن 10 ساعات 1 مينۋتتا الماتى وبلىسى مەن الماتى قالاسىندا جەر سىلكىنىسىن تىركەدى. سەزىلەتىندىگى تۋرالى مالىمەتتەر ناقتىلانۋدا»، - دەپ جازدى مينيسترلىكتى باسپا ءسوز قىزمەتى.

زارداپ شەككەندەر مەن قيراۋلار تۋرالى مالىمەت تۇسكەن جوق.

Android تەلەفوندارىنا كەلگەن حابارلامدا الماتىدا 4.5 بالل قۋاتىمەن سەزىلدى دەلىنگەن.

«سەيسمولوگيالىق تاجىريبە ادىستەمەلىك ەكسپەديتسياسى» م م سەيسميكالىق ستانتسيالار جەلىسىنىڭ دەرەگىنشە، ءزىلزالا وشاعى الماتى قالاسىنان 33 شاقىرىم جەردە، شىعىسقا قاراي ورنالاسقان»، - دەپ حابارلادى ۆەدومستۆودان.

سونداي- اق ءزىلزالانىڭ كۇشى الماتىدا 3، تالعاردا – 4، ەسىك قالاسىندا – 4، تۇرگەن اۋىلىندا 3، وتەگەن باتىر اۋىلىندا 3، بورالداي اۋىلىندا 2، مالوۆودنوە اۋىلىندا، س. ج. قايىپوۆا اۋىلىندا 2، الاتاۋ قالاسىندا (جەتىگەن) 2، قاراساي قالاسىندا (قاسكەلەڭ) 2 بالل بولعانى ايتىلعان حابارلامادا.

وسىعان دەيىن قازاق قۇرىلىس جانە ساۋلەت عىلىمي زەرتتەۋ جانە جوبالاۋ ينستيتۋتىنىڭ ءوندىرىس جونىندەگى باسقارۋشى ديرەكتورى، تەحنيكا عىلىمدارىنىڭ كانديداتى ەرالى شوقباروۆتىڭ «ەلدە قازىر سالىنىپ جاتقان كوپقاباتتى ءۇيدىڭ ءبارى قاۋىپسىز» دەگەن پىكىرىن بەرگەن ەدىك.