الماتىدا جەر نەلىكتەن جاسىل تۇسكە بويالىپ جاتىر - اكىمدىك جاۋاپ بەردى
الماتى. KAZINFORM - الماتى اكىمدىگى جول بويىنداعى جاسىل تۇسكە بويالعان جەرلەر تۋرالى جەلىدەگى سۋرەتتەرگە تۇسىنىكتەمە بەردى.
قالا اكىمدىگىنىڭ مالىمەتىنشە، جاروكوۆ، جاندوسوۆ، ساتبايەۆ كوشەلەرى مەن ءال-فارابي داڭعىلى بويىندا جول بولىگى مەن تروتۋار اراسىنداعى جاسىل ايماقتاردى كوگالداندىرۋ بويىنشا جوسپارلى جۇمىستار جۇرگىزىلىپ جاتىر. مۇندا كوگالداندىرۋ ءۇشىن گيدروسەبۋ ءادىسى قولدانىلعان.
- گيدروسەبۋ - گازون ءشوبىنىڭ تۇقىمىن گيدروەگۋ قۇرىلعىسى ارقىلى سەبۋ ءتاسىلى. بۇل ادىستە تۇقىم تابيعي جاسىل بوياعىشپەن گيدروگەل، بەكىتكىش، سينتەتيكالىق تالشىقتار، توپىراق جاقسارتقىشتار جانە تىڭايتقىشتار ارالاستىرىلعان قوسپا تۇرىندە دايىندالادى. بۇل ءشوپتى تەگىس ەمەس جەرلەردە جانە ۇلكەن كولەمدە وتىرعىزۋعا مۇمكىندىك بەرەتىن زاماناۋي كوگالداندىرۋ تەحنولوگياسى. مۇنداي ادىسپەن قالا ساياباقتارى مەن سكۆەرلەرى كوگالداندىرىلادى، - دەپ حابارلادى اكىمدىكتەن.
ەسكە سالايىق، بۇعان دەيىن الماتى وبلىسىندا زيراتتىڭ قۇلىپتاستارىن قيراتقان كۇدىكتى ۇستالعانىن جازعانبىز.
اۆتور
دوسبول اتاجان