الماتىدا جارناما تاقتاسىن ورناتىپ جاتقان الپينيست بيىكتەن قۇلاپ، كوز جۇمدى

الماتى. KAZINFORM - الماتىدا كوپقاباتتى تۇرعىن ۇيلەردىڭ بىرىنە جارناما تاقتاسىن ءىلىپ جاتقان 27 جاستاعى وندىرىستىك الپينيست بيىكتەن قۇلاپ كەتكەن.

قايعىلى جاعداي الماتى قالاسىنىڭ المالى اۋدانىندا ورنالاسقان «Assem Plaza» تۇرعىن ءۇي كەشەنىندە بولدى. قالالىق پوليتسيا الپينيستىڭ وقيعا ورنىندا قازا تاپقانىن راستادى.

- المالى اۋداندىق پوليتسيا باسقارماسىنا قاراستى پوليتسيا ءبولىمى 27 جاستاعى جىگىتتىڭ ولىمىنە اكەپ سوقتىرعان ەڭبەك قاۋىپسىزدىگى ەرەجەلەرىن بۇزۋ دەرەگى بويىنشا قىلمىستىق ءىس قوزعادى. وقيعانىڭ باسقا دا ءمان- جايلارىن انىقتاۋعا باعىتتالعان تەرگەۋ شارالارى كەشەنى جۇرگىزىلىپ جاتىر، - دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتىنەن.