الماتىدا جاڭبىر سالدارىنان جول وپىرىلىپ ءتۇستى
الماتى. KAZINFORM - الماتىداعى «نۇر الاتاۋ» شاعىن اۋدانىندا جاۋىن-شاشىن سالدارىنان جولدىڭ ءبىر بولىگى وپىرىلىپ ءتۇستى.
ونىڭ ۆيدەوسى الەۋمەتتىك جەلىدە پايدا بولدى.
الماتى اكىمدىگىنىڭ مالىمەتىنشە، تولاسسىز جاۋعان جاڭبىر سالدارىنان 22-ناۋرىزدا «نۇر الاتاۋ» شاعىن اۋدانىندا ورنالاسقان ق. سالىقوۆ كوشەسى بويىنىڭ ءبىر بولىگى وپىرىلىپ ءتۇستى. مەردىگەر كومپانيا قاجەتتى جۇمىستاردى جۇرگىزىپ جاتىر.
اكىمدىكتەن اتاپ وتكەندەي، 2014-جىلى قالاعا قوسىلعان «نۇر-الاتاۋ» شاعىن اۋدانىنداعى ق. سالىقوۆ كوشەسىنىڭ بويىندا ارىق جۇيەسى جوق بولاتىن. سۋ تاسقىنىنىڭ الدىن الۋ ماقساتىندا اۋدان اكىمدىگىنىڭ تاپسىرىسى بويىنشا قالانىڭ ورتالىق بولىگىندەگى ارىق جەلىلەرى مەن نوسەر كارىزدەرىن سالۋ جانە قايتا جاڭارتۋ جوباسىنا جوعارىدا اتالعان كوشە قوسىلدى.
اتالعان جوبانى جۇزەگە اسىرۋ اياسىندا «الماتىدورستروي كومپاني» ج ش س مەردىگەرلىك ۇيىمى 2023-جىلى ق. سالىقوۆ كوشەسىنىڭ بويىندا جالپى ۇزىندىعى 1350 مەتر سۋ بۇرۋ ارىق جۇيەسىن سالۋ جۇمىستارىن باستادى. قۇرىلىس-مونتاج جۇمىستارىن وسى جىلدىڭ ءساۋىر ايىنىڭ سوڭىنا دەيىن اياقتاۋ جوسپاردا.