الماتىدا جاتاقحانا ورتەنىپ، 13 ادام قازا تاپتى
07:50, 30 - قاراشا 2023
الماتىدا حوستەل ورتەنىپ، 13 ادام قازا تاپتى، دەپ حابارلايدى Kazinform.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، 30 -قاراشا كۇنى ساعات 05:33-تە ءادي ءشارىپوۆ كوشەسىندەگى ءورت تۋرالى حابارلاما ءتۇستى. ءبىرىنشى ءورت ءسوندىرۋ ءبولىمى شاقىرتۋ ورنىنا 7 مينۋت ىشىندە كەلدى.
«كەلگەن بويدا -قاباتى جانە جەرتولەسى جاتاقحاناعا اينالعان 3 قاباتتى تۇرعىن ءۇيدىڭ جانىپ جاتقانى انىقتالدى. الدىن الا اقپارات بويىنشا ءورتتىڭ جالپى اۋدانى - 30 شارشى مەتر. قابىلدانعان شارالارمەن ءورت 06:22-دە جويىلدى»، - دەپ حابارلادى دەپارتامەنتتەن.
الدىن الا اقپاراتقا سايكەس ءورتتى بارلاۋ جانە ءسوندىرۋ بارىسىندا 13 ادامنىڭ دەنەسى تابىلدى. قازىر ولاردىڭ كىم ەكەنى انىقتالىپ جاتىر.
ولار كومىرتەگى توتىعىمەن ۋلانۋدان قايتىس بولعان.
اۆتور
الما مۇقانوۆا