الماتىدا شەتەلدىك ازاماتتىڭ ءولىمى تەكسەرىلىپ جاتىر
15:41, 04 - قازان 2024
الماتى. KAZINFORM - الماتىدا پاتەرلەردىڭ بىرىندە شەتەلدىك ازاماتتىڭ ءمايىتى تابىلدى. بۇل تۋرالى اقپارات الەۋمەتتىك جەلىدە تارادى.
جەلىدەگى اقپارات بويىنشا، اۋەزوۆ اۋدانىنداعى پاتەردە 50 جاستاعى رەسەي ازاماتىنىڭ بولشەكتەلگەن دەنەسى تابىلعان. بۇل اقپاراتتى الماتى قالاسىنىڭ پوليتسيا دەپارتامەنتى راستادى.
- بۇل دەرەك بويىنشا اۋەزوۆ اۋداندىق پوليتسيا باسقارماسى قىلمىستىق ءىس قوزعادى.
كۇدىكتى ۇستالىپ، ۋاقىتشا ۇستاۋ يزولياتورىنا قامالدى. باسقا ءمان-جايلار انىقتالىپ جاتىر، - دەپ حابارلادى قالالىق پ د باسپا ءسوز قىزمەتى.
ەسكە سالايىق، بۇعان دەيىن الماتى وبلىسىندا بالا ولىمىنە بايلانىستى قىلمىستىق ءىس تەكسەرىلىپ جاتقانىن جازعان ەدىك.
كۇدىكتىلەردىڭ ءبىرى - بالانىڭ اناسى بولۋى مۇمكىن.