الماتىدا شەتەلدىك ءۇش ازامات ۇستالدى. ولار ادامداردى الداپ، الاياقتىقپەن اينالىسقان. بۇل جايلى قالالىق قارجى مونيتورينگ اگەنتتىگى حابارلادى. ءتىنتۋ بارىسىندا التى ارنايى بوكس، 5 مىڭنان استام SIM كارتا تابىلعان.
بۇل ارقىلى الاياقتىق سحەمالاردا كەڭ كولەمدە قوڭىراۋلار جاساپ، حابارلامالار جىبەرىپ جانە ابونەنتتىك نومىرلەردى وزگەرتكەن. قازىر كۇدىكتىلەر 2 اي مەرزىمگە قاماۋعا الىنىپ، قىلمىستىق ءىس قوزعالدى.
ەرنار تايجان، ق ر ق م ا رەسمي وكىلى:
- اتالعان تۇلعالارعا قاتىستى ق ر قىلمىستىك كودەكسىنىڭ 213-بابى 2-بولىگى بويىنشا «ۇيالى بايلانىس ابونەنتتىك قۇرىلعىسىنىڭ يدەنتيفيكاتسيالىق كودىن زاڭسىز قولدانۋ، ابونەنتتى سايكەستەندىرۋ قۇرىلعىسىن زاڭسىز وزگەرتۋ جانە يدەنتيفيكاتسيالىق كودتى وزگەرتۋگە ارنالعان باعدارلامالاردى جاساۋ، پايدالانۋ، تاراتۋ» قىلمىستىق ءىسى تىركەلدى.
https://24.kz
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.