الماتىدا «دوس پەن دۇشپان» سەريالىنىڭ ءتۇسىرىلىمى باستالدى

استانا. KAZINFORM - «حابار» اگەنتتىگىنىڭ تاپسىرىسىمەن «دوس پەن دۇشپان» سەريالىنىڭ ءتۇسىرىلىمى باستالدى دەپ حابارلايدى 24kz.

وندا مەكتەپتە بىرگە وقىعان ءتورت دوستىڭ باستان كەشكەنى مەن ومىرگە دەگەن كوزقاراستارى كورسەتىلەدى.

سەريالدا دوستىق پەن قاستىق، ادالدىق پەن ارامدىق، ىزگىلىك پەن ادامگەرشىلىك سىندى ۇعىمدار قامتىلادى. سەريالدىڭ العاشقى تۇسىرىمىنە ءبىزدىڭ تىلشىلەر دە قاتىستى. 1980 -جىلداردىڭ سوڭى. الماتى. ءبىرىنشى سىنىپتان دوس بولعان سەرىك، بەرىك، قايرات جانە ولەگ مەكتەپ ءبىتىرىپ، ۇلكەن ومىرگە قادام باسپاق.

بوزبالالار اۋلادا Pink Floyd, Depeche Mode سياقتى توپتاردىڭ شىعارمالارىن تىڭداپ، تالعات سارىبايەۆ پەن ۆيكتور سوي سەكىلدى انشىلەردىڭ اۋەزدى اندەرىن شىرقاپ ءوستى. ولار الەۋمەتتىك جاعدايلارىنىڭ ايىرماشىلىعىنا قاراماستان، قۋانىشتا دا، قايعىدا دا ءبىر-ءبىرىنىڭ قاسىنان تابىلا ءبىلدى.

مۇرات بيدوسوۆ، رەجيسسەر:

- ارينە، بۇل جەردە دوستىق تا، دۇشپاندىق تا بار. بۇل جەردە وزگە ۇلتقا دەگەن سىيلاستىق، تابيعاتتى قورعاۋ دەگەن سياقتى سۇراقتارعا جاۋاپ بەرۋگە تىرىسىپ جاتىرمىز. بولعان وقيعالاردىڭ جەلىسىمەن سۋرەتتەۋگە تىرىستىق. ەندى بۇل تەك قانا سول كەزدەگى بوزبالالاردىڭ ءومىرى عانا ەمەس. سول كەزدەگى تاريحي كەزەڭ. سسەناري اۆتورى بۇعان دەيىن «تار زامان»، «كەيكى مەرگەن»، «اباي» كينوسسەناريلەرىن جازعان بەلگىلى دراماتۋرگ سەرجان زاكىر ۇلى. سەريالداعى باستى رولدەردى دانيار جەتپىسوۆ، شىڭعىس ءراش، پەن بەكزات ەركىنوۆ سىندى جاس اكتەرلەر وينايدى.

دانيار جەتپىسوۆ، اكتەر:

- نەگىزى وتە قىزىق رول. وتە قىزىق. شىتىرمان، بىلايشا ايتقاندا، قايراتتىڭ ءومىرى وقىس وقيعالارعا تولى. شىنى كەرەك. كۇتپەگەن جەردەن نەشە ءتۇرلى وقيعالار بولادى. ءبىراق ءبارىن وزىنە ءوزى جاساپ الادى. بەرىك لاۋازىمدى قىزمەت اتقارادى. سەرىك بولسا، ورمان شارۋاشىلىعىندا جۇمىس ىستەپ، تابيعاتقا قامقورلىق جاساي ءبىلدى. ال، قايرات بولسا، كاسىپكەر بولىپ، تەندەرمەن اينالىسادى. شەتەلگە كەتكەن ولەگ ەلگە ورالادى. تاعدىر جولى تورتكە بولىنگەن ءتورت دوس اراعا 30 جىل سالىپ، قايتا قاۋىشادى. سەريالدىڭ ءتۇسىرىلىمى بيىل اياقتاۋ جوسپارلانعان.