تۇرلىحانوۆتىڭ ءتورتىنشى ۇلى ءارى كەنجەسى 20 جاستاعى نۇراسىل بولاتتىڭ ءىسى قارالدى. وعان الماتىلىق ەرلى-زايىپتى ءارى زاڭگەر ولەگ چەرنوۆ پەن اننا دميتريەۆيچتى سوققىعا جىققانى ءۇشىن ايىپ تاعىلدى. ءىستىڭ بارلىق ماتەريالىن زەردەلەپ، تاراپتاردى تىڭداي وتىرىپ، سوت مىناداي قورىتىندىعا كەلدى:
«نۇراسىل بولات قىلمىستىق كودەكستىڭ 107-بابى 2-بولىگى 1 جانە 5-تارماقتارىندا كوزدەلگەن قىلمىستى جاساعانى ءۇشىن كىنالى دەپ تانىلىپ، وعان 1 ميلليون 700 مىڭ تەڭگە ايىپپۇل سالىنسىن»، - دەدى سۋديا ديحان ءالياسقاروۆ.
ەسكە سالايىق، بۇعان دەيىن الماتىدا اسكەري قىزمەتكەر بەلگىلى ادۆوكاتتى سوققىعا جىققانى حابارلانعان بولاتىن. بۇل وقيعا 11- اقپانعا قاراعان ءتۇنى الماتىنىڭ ساۋدا ورتالىقتارىنىڭ ءبىرىنىڭ ماڭىنداعى پاركينگتە بولعان. ءىس قوعامدىق داۋ تۋدىردى.
بۇل وقيعا تۋرالى ادۆوكات ولەگ چەرنوۆتىڭ ايەلى اننا ديميتريەۆيچ Facebook-پاراقشاسىندا جازعان. ولار تاكسيگە وتىرا بەرگەندە ءبىر جىگىت جۇگىرىپ كەلىپ، سوققىعا جىعىلعان قىزعا كومەكتەسۋىن سۇراعان.
الماتى پ د بۇل دەرەك ق ر قىلمىستىق كودەكستىڭ 293-بابى «بۇزاقىلىق» بويىنشا سوتالدى تەرگەۋدىڭ ءبىرىڭعاي تىزىلىمىنە تىركەلگەنىن حابارلادى.
ال كەيىن ادۆوكاتتى سوققىعا جىققان اسكەري قىزمەتكەر گرەك-ريم كۇرەسىنەن قازاقستاندىق جانە بۇرىنعى كەڭەس وداعىنىڭ بالۋانى داۋلەت تۇرلىحانوۆتىڭ ۇلى بولىپ شىقتى. بۇل اقپاراتتى تۇرلىحانوۆتىڭ ءوزى راستاعان بولاتىن. ول ۇلىنا قاتىستى داۋعا كوزقاراسىن بىلدىرىپ، كەشىرىم سۇرادى.
Massaget.kz