الماتىدا ءورت شىققان ۇيدەن 9 ادام قۇتقارىلدى
10:56, 01 - ءساۋىر 2024
الماتى. KAZINFORM - الماتى قالاسىنىڭ تۇركسىب اۋدانىندا 3 قاباتتى كوپپاتەرلى تۇرعىن ءۇيدىڭ 1-قاباتىندا ءورت شىقتى.
ق ر توتەنشە جاعدايلار مينيسترلىگىنىڭ مالىمەتىنشە، شاقىرتۋ ورنىنا جەتكەن سوڭ ءورت سوندىرۋشىلەر باسپالداق مارشىمەن 5 ادامدى ەۆاكۋاتسيالادى. ءۇش تىزەلى باسپالداقتىڭ كومەگىمەن 2-قاباتتان 3 ازامات قۇتقارىلدى. م ءو س ب-4 بولىمشەسىنىڭ كومانديرى فارحات ۋشۋروۆ جانىپ، وتقا ورانعان پاتەردەن 1-توپتاعى مۇمكىندىگى شەكتەۋلى ازاماتتى قۇتقاردى.
اۋماعى 25 شارشى مەتر بولعان ءورت ساعات 08:47 دە ءسوندىرىلدى.
ەسكە سالساق، جاقىندا الماتىدا نايزاعاي سالدارىنان جەر ءۇي ورتەنگەن ەدى.
اۆتور
دۋمان ارعىنگەلدى