الماتى. KAZINFORM - الماتىدا پوليتسەيلەر كوممۋنالدىق قىزمەتتەرگە قالانى قاردان تازالاۋعا كومەكتەسىپ جاتىر. قالانى قاردان تازالاۋ ءۇشىن پاترۋلدىك پوليتسيا مەن مامانداندىرىلعان باتالوننىڭ 25 ەكيپاجى قار تازالاۋ تەحنيكاسىن سۇيەمەلدەپ، جول باستاپ ءجۇردى.
«قالانىڭ نەگىزگى ماگيسترالدارىندا كەشكى ۋاقىتتا قوزعالىس قولمەن رەتتەۋ ارقىلى قامتاماسىز ەتىلدى. كەيىنگى تاۋلىكتە قالادا بارلىعى 22 جول-كولىك وقيعاسى تىركەلدى. قازا تاپقاندار جوق. تولاسسىز جاۋعان قار قالاداعى جول جاعدايىن ايتارلىقتاي قيىنداتتى. وسى رەتتە، پاترۋلدىك پوليتسيا پولكى مەن مامانداندىرىلعان باتالوننىڭ 25 ەكيپاجى قار تازالاۋ تەحنيكاسىن سۇيەمەلدەدى»، - دەيدى الماتى قالالىق پ د جەرگىلىكتى پوليتسيا قىزمەتى باسقارماسىنىڭ باستىعى سەرىك شۋمايەۆ.
اۋا رايىنىڭ ناشارلاۋىنا بايلانىستى الماتىلىق ءتارتىپ ساقشىلارى جول قوزعالىسىنا قاتىسۋشىلاردى قاۋىپسىزدىك شارالارىن كۇشەيتۋگە شاقىردى.
اۆتور
الما مۇقانوۆا
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан