الماتىدا ءبىر ايدا 7000 نان استام جەر ءدۇمپۋى تىركەلدى
15:29, 22 - اقپان 2024
الماتى. KAZINFORM - قازاقستاندىق سەيسمولوگتار قىتاي مەن قىرعىزستان شەكاراسىندا بولعان كۇشتى جەر سىلكىنىسىنەن بەرى 7400 دەن استام جەر سىلكىنىسىن تىركەدى.
سەيسمولوگيالىق باقىلاۋلار مەن زەرتتەۋلەردىڭ ۇلتتىق عىلىمي ورتالىعىنىڭ باسشىسى داۋلەت سارسەنبايەۆتىڭ ايتۋىنشا، جەر استى ءدۇمپۋى ءالى تىركەلىپ جاتىر.
«23-قاڭتار كۇنى قىتاي مەن قىرعىزستان شەكاراسىندا بولعان كۇشتى جەر سىلكىنىسىنەن بەرى 7406 جەر سىلكىنىسىن تىركەدى. الماتىلىقتار ونىڭ 16 سىن سەزدى»، - دەدى داۋلەت سارسەنبايەۆ.
بۇگىن تۇندە الماتىدا جەر سىلكىندى، تۇرعىندارعا 2 بالل كولەمىندە سەزىلدى.
بۇعان دەيىن سەيسمولوگيالىق باقىلاۋ جانە زەرتتەۋ ۇلتتىق عىلىمي ورتالىعى بيىل قازاقستان اۋماعىندا جويقىن جەر سىلكىنىسى بولمايتىنىن جەتكىزگەن ەدى.