تاريحي تۇلعامەن قوشتاسۋ ءراسىمى الماتىداعى وفيتسەرلەر ۇيىندە ۇيىمداستىرىلدى.
عيماراتتىڭ كىرەبەرىسىندە قۇرمەت قاراۋىلى ساپ تۇزەدى. تالعات مۇسابايەۆتى سوڭعى ساپارعا شىعارىپ سالۋعا ونىڭ تۋعان-تۋىستارى، جاقىندارى، دوستارى، سونداي-اق مەملەكەت جانە قوعام قايراتكەرلەرى كەلدى. قاتىسۋشىلار قاتارىندا عارىشكەرلەر - توقتار اۋباكىروۆ پەن ايدىن ايىمبەتوۆ تە بار.
اڭىزعا اينالعان عارىشكەرمەن قوشتاسۋ راسىمىنەن كەيىن 28 گۆاردياشى- پانفيلوۆشىلار اتىنداعى ساياباقتاعى الاڭدا جانازا وقىلادى.
ەسكە سالايىق، 3-تامىز كۇنى 75 جاسىندا ۇشقىش-عارىشكەر، اۆياتسيا گەنەرال-لەيتەنانتى، تەحنيكا عىلىمدارىنىڭ دوكتورى، مەملەكەت جانە قوعام قايراتكەرى، حالىق قاھارمانى تالعات مۇسابايەۆ ومىردەن ءوتتى.
مەملەكەت باسشىسى قاسىم-جومارت توقايەۆ تالعات مۇسابايەۆتىڭ تۋعان-تۋىستارى مەن جاقىندارىنا كوڭىل ايتىپ، ونىڭ وتاندىق عىلىم، تەحنيكا جانە مەملەكەتتىك باسقارۋ سالاسىنداعى زور ۇلەسىن اتاپ ءوتتى.
اۆتور
دوسبول اتاجان