الماتىدا بىرنەشە كولىكتىڭ ۇستىنە اعاش قۇلادى

الماتى. KAZINFORM - الماتىنىڭ ورتالىعىندا بىرنەشە كولىك ۇستىنە ۇلكەن اعاش قۇلادى.

وقيعانىڭ ۆيدەوسى الەۋمەتتىك جەلىدە تاراپ جاتىر. بەينەجازبادان ۇلكەن اعاشتىڭ جەڭىل كولىكتەردى باسىپ قالعانىن كورۋگە بولادى.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، جاعداي 14-قاراشا كۇنى جاندوسوۆ كوشەسىندە بولعان.

«قۇتقارۋ قىزمەتىنىڭ ماماندارى اۋەزوۆ اۋدانىنداعى جاندوسوۆ كوشەسى 182- ءۇيدىڭ جانىندا كولىكتەردىڭ ۇستىنە اعاش قۇلادى دەگەن حابار بويىنشا شىقتى. «109» قىزمەتى قۇتقارۋشىلارىنىڭ كۇشىمەن اعاش قۇلاعان جەر دەرەۋ تازالاندى»، - دەپ اتاپ ءوتتى دەپارتامەنتتەن.

زارداپ شەككەندەر جوق.

وسىعان دەيىن الماتى اكىمدىگى تۇرعىندارعا ۇندەۋ جاساعان بولاتىن.

الماتىنىڭ كوممۋنالدىق قىزمەتى كۇشەيتىلگەن رەجيمگە كوشتى. 490 ارنايى تەحنيكا مەن 1200 جۇمىسشى جۇمىلدىرىلدى. اۋداندىق اكىمدىكتەردە جۇمىس بارىسىن قاداعالاۋ ءۇشىن تاۋلىك بويى كەزەكشىلىك ۇيىمداستىرىلادى.

الماتىدا ءبىر تۇندە 52 جول اپاتى بولدى.