الماتىدا «بايدىڭ قىزىن الامىن» اتتى كومەديا ەكرانعا شىقتى

الماتىدا بەلگىلى رەجيسسەر دارحان ساركەنوۆتىڭ «بايدىڭ قىزىن الامىن» اتتى جاڭا كومەدياسىنىڭ تۇساۋكەسەر ءراسىمى ءوتتى، دەپ حابارلايدى قازاقپارات.

تۋىندى باي- باعلاننىڭ قىزىنا ۇيلەنۋ ءۇشىن اۋىلدان قالاعا كەلگەن جىگىتتىڭ ءومىرى جايلى. ەل ماقتاعان جىگىتتى قىز جاقتاعان. «اۋىلدىڭ بەتكە ۇستار بالاسى تەمىرلان، كەز- كەلگەن قىز وزىنە تۇرمىسقا شىعۋدى ارماندايدى»، - دەپ سانايدى. ءبىراق ول قالىڭدىقتى قالانىڭ باي اۋلەتىنەن العىسى كەلەدى. جاعدايىن تۇزەپ، اتا- اناسىنىڭ كۇڭكىلىنەندە قۇتىلۋدا ويلايدى. دەگەنمەن، باي قىزدارىنىڭ ەركە كەلەتىنىن بىلە بەرمەيدى.

دارحان ساركەنوۆ، فيلمنىڭ رەجيسسەرى:

- جىگىتتەردىڭ بارلىعى وسىنداي. جاڭاعىداي ايەلىنىڭ اكەسىنىڭ بايلىعىن وزىنە الىپ الۋ دەگەن سياقتى ونداي ءبىر كىنا تاققىمىز كەلمەيدى ارينە. بەلگىلى ءبىر سونداي ادامدار بولۋى مۇمكىن دەگەن سياقتى ويمەن تۇسىرىلگەن فيلم.

تەمىرلانعا بىرنارسە الۋ ءۇشىن تالاي ەڭبەك ەتۋگە تۋرا كەلسە، كاميللاعا اكەسىنە ايتسا بولدى، قالاعانىن ساتىپ بەرەدى. كاميللانىڭ رولىندە - توميريس جانعازينوۆا وينايدى.

توميريس جانعازينوۆا، اكتريسا:

- ءرولىمدى سوگۋى مۇمكىن. سەبەبى بۇل بايدىڭ قىزى. ءوزىنىڭ مىنەزى بولەكتەۋ. كوپ نارسەنى سۇرايدى، كوپ نارسەنى قالايدى. وزىنە دەگەن سەنىمدىلىك كىشكەنە ازىراق. جانە سوڭعى كەزدەرى ماعان سونداي رولدەردى كوپ بەرە باستادى.

فيلمدى تۇسىرۋگە ەۋرازيالىق بانك قولداۋ كورسەتىپتى. بانكتىڭ شەشىمى مەملەكەت باسشىسىنىڭ جولداۋىندا ايتقان شىعارماشىلىق يندۋستريانى قولداۋ تۋرالى باستاماسىمەن ءدوپ كەلىپ وتىر.

عازيز ەرمەكوۆ، ەۋرازيالىق بانكتىڭ باسقارما ءتوراعاسىنىڭ ورىنباسارى:

- قازاقستاننىڭ مادەنيەتى مەن ونەرىنىڭ دامۋىنا بەلسەندى اسەر ەتەتىن قارجى قوعامداستىعىنىڭ ءبىر بولىگى بولىپ جاتقانىمىزعا ءوز اتىمىزدان وتە قۋانىشتىمىز.

ءتۇسىرىلىم جۇمىستارى الماتى مەن ونىڭ ماڭايىندا جۇرگەن. فيلم 21 -قىركۇيەكتەن باستاپ ەلىمىزدىڭ بارلىق كينوتەاترلارىندا كورسەتىلەدى.

www.24.kz