الماتىدا بالا جەتەكتەگەن ايەلدى اۆتوبۋس قاعىپ كەتتى
22:57, 04 - ناۋرىز 2024
الماتى. KAZINFORM - الماتىدا باعدارشامنىڭ جاسىل تۇسىنە جولدى كەسىپ وتكەن انا مەن بالانى اۆتوبۋس قاقتى.
الماتى قالالىق پوليتسيا دەپارتامەنتىنىڭ مالىمەتىنشە، وقيعا بۇگىن تاڭعى ۋاقىتتا قالانىڭ مەدەۋ اۋدانىندا بولعان.
«اۆتوبۋس جۇرگىزۋشىسى رايىمبەك داڭعىلى بويىمەن شىعىس باعىتتا كەلە جاتىپ، قونايەۆ كوشەسىنە وڭعا قاراي بۇرىلعان كەزدە بالا جەتەكتەگەن ايەلدى قاعادى. ولار شىعىس باعىتتا باعدارشامنىڭ جاسىل تۇسىنە جول بولىگىنەن ءوتىپ بارا جاتتى. ايەل سول جەردەگى جاقىن اۋرۋحانالاردىڭ بىرىنە جەتكىزىلدى. بالا زارداپ شەككەن جوق. وقيعانىڭ ءمان-جايىن مەدەۋ اۋداندىق پوليتسيا باسقارماسى انىقتاپ جاتىر»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.