الماتىدا گاز قۇبىرى جارىلىپ، جەڭىل كولىككە زاقىم كەلدى
الماتى. KAZINFORM - الماتىدا بايزاقوۆ جانە بۇحار جىراۋ كوشەلەرىنىڭ قيىلىسىندا گاز قۇبىرى جارىلدى.
جەلىدە جارىلىستان اۋدارىلىپ قالعان جەڭىل كولىكتىڭ بەينەجازباسى جاريالاندى.
«QazaqGaz Aimaq» ا ق مالىمەتىنشە، «سانتەحكومپلەكتگرۋپپ» مەردىگەر ۇيىمى ورتاشا قىسىمدى جاڭادان سالىنعان جەراستى گاز قۇبىرىنا قىسىم بەرۋ جۇمىستارىن جۇرگىزىپ جاتقاندا اۋا قوسپاسى شىعىپ، جارىلىس بولعان. وقيعا سالدارىنان جول جابىنى، اعاش جانە ءبىر اۆتوكولىك زاقىمداندى.
- وقيعا ورنىنا قالانىڭ بارلىق ءتيىستى اپاتتىق قىزمەتتەرى جەدەل جەتتى. قازىرگى ۋاقىتتا اتالعان اۋماقتا تەكسەرۋ جۇمىستارى جۇرگىزىلىپ، بولعان وقيعانىڭ سەبەپتەرى انىقتالىپ جاتىر. وقيعا اۋماعى قورشالدى، حالىققا ەشقانداي قاۋىپ ءتونىپ تۇرعان جوق. قازا تاپقاندار جوق، - دەپ حابارلادى «QazaqGaz Aimaq» ا ق.
ەسكە سالايىق، بۇعان دەيىن ت ج م ءورت سوندىرۋشىلەرى ساياجاي قوعامىنداعى جارىلىس قاۋپىنىڭ الدىن الدى.
اۆتور
دوسبول اتاجان