الماتىدا اۆتوبۋس اپاتقا ۇشىراپ، ءبىر ايەل كوز جۇمدى

الماتى. KAZINFORM - الماتىدا قوعامدىق كولىك پەن Mitsubishi سوقتىعىسىپ، ءبىر ادام قازا تاپتى.

جەرگىلىكتى پوليتسيا قىزمەتىنىڭ كەزەكشى بولىمىنەن ءمالىم ەتكەندەي، جول-كولىك اپاتى بۇگىن تۇسكى ساعات 14:48 دە الماتىنىڭ جەتىسۋ اۋدانىندا بولدى.

«Mitsubishy» ماركالى كولىكتىڭ جۇرگىزۋشىسى سولتۇستىك اينالما كوشەسىمەن سولتۇستىك باعىتتا كەلە جاتىپ، بوكەيحانوۆ كوشەسىنىڭ قيىلىسىندا جەكە تاسىمالداۋشىعا تيەسىلى 58- باعىتتاعى قوعامدىق كولىكپەن سوقتىعىسقان.

«جول اپاتى سالدارىنان «Mitsubishy» كولىگىندە وتىرعان ايەل العان جاراقاتتارىنان وقيعا ورنىندا كوز جۇمدى. ادام ولىمىنە اكەپ سوقتىرعان اپات بويىنشا قىلمىستىق ءىس قوزعالدى. ساراپتاما تاعايىندالدى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.

ەسكە سالايىق، 26-ماۋسىم كۇنى الماتىدا اۆتوبۋس اپاتقا ۇشىراپ، ءبىر ادام قازا تاپقان بولاتىن.

جول-كولىك وقيعاسىنا «5:32» سەريالىنىڭ پروديۋسەرى سەبەپكەر بولعان.

كەيىن كۇدىكتى دەپ تانىلعان جەڭىل كولىك جۇرگىزۋشىسى انەل سارتايەۆا تەرگەۋ ۋاقىتىندا ءۇي قاماعىندا بولاتىنى تۋرالى جازعان ەدىك.

ايتا كەتەيىك، الماتىنىڭ قوعامدىق كولىكتەرى سوڭعى 4 جىلدا 920 مارتە جول اپاتىنا ۇشىراعان.