الماتىدا پاتەر ساتىپ الۋعا بولمايتىن ۇيلەردىڭ ءتىزىمى شىقتى
الماتى. KAZINFORM - الماتى اكىمدىگى جىلجىمايتىن مۇلىك ساتىپ الماس بۇرىن قۇرىلىس كومپانياسىنىڭ قۇجاتتارىن مۇقيات تەكسەرۋدى ۇسىنادى.
قالا قۇرىلىسىن باقىلاۋ باسقارماسى الماتىدا ساتىپ الۋعا ۇسىنىلمايتىن تۇرعىن ءۇي كەشەندەرىنىڭ ءتىزىمىن جاريالادى. بۇل تىزىمدە 36 تۇرعىن ءۇي بار.
ايتا كەتۋ كەرەك، تىزىمگە قۇرىلىسى ءالى باستالماعان رۇقسات قۇجاتتارى جوق نىساندار كىردى. باسقارمانىڭ اقپاراتىنا سايكەس، وسىنداي ت ك بويىنشا ۇسىنىستار ينتەرنەت- رەسۋرستاردىڭ مونيتورينگى ناتيجەسىندە انىقتالادى.
«الماتىلىقتارعا جىلجىمايتىن مۇلىكتى ساتىپ الماس بۇرىن سالىنىپ جاتقان تۇرعىن ءۇي كەشەنى قۇجاتتارىنىڭ بار-جوعىن تەكسەرۋ قاجەت ەكەنىن ەسكە سالامىز، مۇنى الماتى قالاسى قالا قۇرىلىسىن باقىلاۋ باسقارماسىنىڭ WhatsApp +77058966000 جەدەل جەلىسىنىڭ ءنومىرى بويىنشا جاساۋعا بولادى»، - دەلىنگەن اكىمدىك تاراتقان اقپاراتتا.
اۆتور
الما مۇقانوۆا