الماتىدا اقبوكەن مۇيىزدەرىن ساتپاق بولعان 4 ادام ۇستالدى
21:27, 21 - مامىر 2024
الماتى. KAZINFORM - الماتىدا 1212 دانا اقبوكەن ءمۇيىزىن ساتپاق بولعان ءتورت ادام ۇستالدى.
ولاردىڭ بۇل زاڭسىز ارەكەتى الماتى قالاسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جۇرگىزگەن ارنايى ءىس-شارانىڭ ناتيجەسىندە انىقتالدى.
«الماتى وبلىسىنىڭ اۋماعىندا Hyundai اۆتوكولىگى توقتاتىلدى، ونىڭ ءىشىن ءتىنتۋ بارىسىندا 1212 اقبوكەن ءمۇيىزى تابىلدى جانە تاركىلەندى. كۇدىكتىلەر پ د- نىڭ ۋاقىتشا ۇستاۋ يزولياتورىنا قامالدى. قازىر سوتقا دەيىنگى تەرگەۋ باستالدى»، - دەدى الماتى قالالىق پوليتسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
ق ر ق ك- ءنىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.