الماتىدا امانتاي قاجىعا ءىس قوزعالدى
15:12, 16 - شىلدە 2025
الماتى. KAZINFORM - الماتى پوليتسياسى امانتاي قاجى اسىلبەككە قاتىستى تەرگەۋ جۇمىستارىن جۇرگىزىپ جاتىر.
الەۋمەتتىك جەلىدە ەلگە تانىمال ازاماتتىڭ ايەل ادامدى باسپالداقتان يتەرىپ جىبەرگەنى كورسەتىلگەن بەينەجازبا تارادى.
قالالىق پوليتسيا دەپارتامەنتى اتالعان دەرەك بويىنشا المالى اۋداندىق پوليتسيا باسقارماسى قىلمىستىق ءىس قوزعاعانىن حابارلادى.
- قازىرگى ۋاقىتتا وقيعانىڭ ءمان-جايىن انىقتاۋعا باعىتتالعان جەدەل-ىزدەستىرۋ جانە پروتسەسسۋالدىق ءىس-شارالار كەشەنى جۇرگىزىلىپ جاتىر. قاجەتتى سوت-مەديتسينالىق ساراپتامالار تاعايىندالدى. تەرگەۋ بارىسى الماتى پوليتسياسى باسشىلىعىنىڭ باقىلاۋىندا، - دەپ مالىمدەدى دەپارتامەنتتەن.
اۆتور
دوسبول اتاجان