الماتىدا الاياقتار قارت ادامداردى الداپ ءجۇر

الماتى پوليتسياسى الاياقتاردىڭ قارت ادامداردى الداپ جاتقانىن ەسكەرتتى، دەپ حابارلايدى Kazinform.

الماتى قالالىق پوليتسيا دەپارتامەنتى ازاماتتاردى اتالعان الاياقتىق ءتۇرى تۋرالى جاقىن تۋىستارى مەن دوستارىن، اسىرەسە قارت ادامداردى ەسكەرتۋگە شاقىردى.

«ەگەر سىزگە پوليتسيا قىزمەتكەرى قوڭىراۋ شالسا، پوليتسيا قىزمەتكەرلەرى سىزدەن اقشا سۇراۋعا قۇقىعى جوق ەكەنىن ەستە ۇستاڭىز. اڭگىمەلەسۋدى باستاماس بۇرىن سۇحباتتاسۋشى ءوزىن تانىستىرۋى كەرەك (اتى-ءجونى، قىزمەتى، لاۋازىمى، جۇمىس ورنى). بۇل اقپاراتتى «102» ارناسى ارقىلى تەكسەرىپ الۋىڭىز قاجەت.

بەيتانىس ادام تەلەفون سوقسا، ونىڭ سىزگە نەنى جانە قالاي ايتقىسى كەلەتىنىنە نازار اۋدارىڭىز. الاياقتار، ادەتتە، اسىقتىرۋعا، شاتاستىرۋعا جانە ىقتيمال سالدارىن ايتىپ قورقىتۋعا تىرىسادى»، - دەپ ەسكەرتتى قالالىق پوليتسيا دەپارتامەنتىندە.

پوليتسيادا، سونداي-اق ازاماتتاردى كەز كەلگەن اقپارات تەكسەرىلۋى كەرەك ەكەنىن جانە بەيتانىس ادامدارعا اقشانى جىبەرمەۋگە نەمەسە اۋدارماۋعا شاقىردى.