الماتى. KAZINFORM - الماتىدا ماقاتايەۆ پەن ماسانشى كوشەلەرىنىڭ قيىلىسىندا ادام ولىمىنە اكەلىپ سوققان جول-كولىك اپاتىنا قاتىستى قىلمىستىق ءىس قوزعالدى. بۇل تۋرالى پوليتسيا دەپارتامەنتىنەن ءمالىم ەتتى.
جول اپاتىنا سەبەپكەر بولعان جەڭىل كولىك جۇرگىزۋشى ۇستالىپ، ۋاقىتشا ۇستاۋ يزولياتورىنا قامالدى. ايتا كەتەيىك، رولدە ايەل ادام بولعان.
«قوعامدىق كولىك قوزعالىسىنىڭ جىلدامدىعىن انىقتاۋ تۇرعىسىندا ساراپتاما تاعايىندالدى. وقيعانىڭ باسقا دا ءمان- جايلارى انىقتالۋدا»، - دەلىنگەن حابارلامادان.
ەسكە سالايىق، الماتىدا 18- باعىتتاعى اۆتوبۋس اپاتقا ۇشىراپ، ءبىر ادام قازا تاپتى.
الماتى قالاسىنىڭ دەنساۋلىق ساقتاۋ باسقارماسى اۆتوبۋستىڭ ىشىندە بولعان جولاۋشىلاردىڭ 25 ءى زارداپ شەككەنىن مالىمدەدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.